• நீதி 11:17—கருணை காட்டுவது நமக்கு எப்படி நன்மை தரும்? (g20.1 பக். 11, பெட்டி)

  உங்கள் பதில்

• இந்த வார பைபிள் வாசிப்பிலிருந்து என்ன புதையல்களைத் தோண்டி எடுத்தீர்கள்?

  உங்கள் பதில்

நாம் பாவ இயல்புள்ளவர்களாக இருப்பதால், தவறாகப் பேசிவிடுகிறோம். (யாக் 3:8) ஆனால், தவறாகப் பேசுவதால் என்னென்ன பிரச்சினைகள் வரும் என்று யோசித்துப் பார்த்தால், அப்படிப் பேசுவதைத் தவிர்ப்போம். பின்னால் வருத்தப்பட வேண்டிய அவசியமும் இருக்காது. சபையின் சமாதானத்தைக் கெடுத்துப்போடும் சில வகையான பேச்சுகள் இவைதான்:

• பெருமையடிப்பது. பெருமையடிப்பது என்றால் நம்மைப் பற்றியே பெருமையாகப் பேசுவது. இந்த மாதிரி பேசுவது போட்டி பொறாமையைத் தூண்டிவிடும்.—நீதி 27:2

• பொய் பேசுவது. அப்பட்டமாகப் பொய் பேசுவது மட்டுமல்ல, தெரிந்தே ஒருவரைத் தவறான முடிவுக்கு வர வைப்பதும் பொய் பேசுவதுதான். ஒரே ஒரு தடவை பொய் சொன்னால்கூட மற்றவர்களுக்கு நம்மேல் இருக்கும் நம்பிக்கை போய்விடும், நம்முடைய பெயரும் கெட்டுவிடும்.—பிர 10:1

• வீண்பேச்சு. மற்றவர்களைப் பற்றியோ அவர்களுடைய வாழ்க்கையைப் பற்றியோ தேவையில்லாமல் பேசுவதுதான் வீண்பேச்சு. வீண்பேச்சு பேசுகிறவர்கள் உண்மைகளைத் திரித்துச் சொல்வார்கள், மற்றவர்களுடைய சொந்த விஷயங்களை அநாவசியமாகப் பேசுவார்கள். (1தீ 5:13) இதனால் சண்டைகளும் பிரிவினைகளும்தான் ஏற்படும்

• ஆவேசமான பேச்சு. நம்மைக் காயப்படுத்துகிறவர்களிடம் கோபத்தில் பொறிந்துதள்ளுவதுதான் ஆவேசமான பேச்சு. (எபே 4:26) இது அவர்களைப் புண்படுத்தும்.—நீதி 29:22

சமாதானத்தைக் கெடுக்கும் சுபாவத்தை ‘களைந்துபோடுங்கள்’—சில காட்சிகள் என்ற வீடியோவைக் காட்டுங்கள். பிறகு இப்படிக் கேளுங்கள்:

• நம்முடைய பேச்சு எப்படி சபையின் சமாதானத்தை ரொம்ப சுலபமாகக் கெடுத்துப்போடலாம் என்பதைப் பற்றி என்ன கற்றுக்கொண்டீர்கள்?

  உங்கள் பதில்

சண்டை போட்டுக்கொண்டவர்கள் எப்படி சமாதானம் ஆனார்கள் என்பதைத் தெரிந்துகொள்ள, ‘சமாதானத்தைத் தேடி, அதற்காகப் பாடுபடுங்கள்’ என்ற வீடியோவைப் பாருங்கள்.