Een. Bibilia ili yaleta bisinka bisininkiziizie nangue Leeza kwali. Bibilia ili yatuteekia mutima tumuzumine Leeza, inzi kekio te kilangiliile nangue tupalile sie kuya twaitabila kitabile-itabile bintu bili byalandua mu ma kanisa. Inzi, tupalile kubombia buvinde bwetu bwa kutontonkania ni bwa kwinika ao buvinde bwetu bwa kumona mu mano (Baroma 12:1; 1 Yoane 5:20) Mona busininkizio buli papa pensina buli bwaleeta Bibilia:

•   Muulu ni kyalo vibipangilue bwino kubiika pamo ni bintu bili ni bukose bilimo, byasininkizia nangue kuli ni Kabumba. Bibilia ili yalanda evi: “Kulanda kisinka, kila nsesi ili yakuulua na muntu, inzi Leeza i waakitile bintu byonse.” (Baebrania 3:4) Atasie kine ezio milandu ya kisinka ilengele sie, bantu bengi basomene bamwene nangue ezio milandu ili ni maka. a

•   Fwe bantu, tuli twavyalua twali ni nkulu ya kutona kumana juu ya ki tuli pa kyalo. Ata sie kisia kupata bintu bya kimubili bituli nabio lazima, te twizi kurizika. Tuli twaikala twatonene tumane juu ya ki tuli pa kyalo. Bibilia ili yakuuta ezio aali nangue nzala ya kimupasi, i kulanda, tuli ni lazima ya kumumana ni kumupupa Leeza. (Mateo 5:3; Nfyulo 4:11) Kekio te kisininkiziizie sie nangue Leeza kwali, inzi, kilangiliile kabili nangue Kabumba ni wa ntono olia atonene fwefue tumumane ni kumupupa.​—Mateo 4:4.

•   Mu Bibilia, muli bukabika bwaaleembelue ma mia a myaka ntanzi. Kabili bobo bukabika, bwaaizile kukitika kakiine nga mwaali mwasyalandiile Bibilia. Kufikiliziiwa kwa bintu byonse byaalandilue mu bobo bukabika, kwasininkizia nangue ozo waalandile ezio milandu, waali sana ni buvinde kuliko buvinde bwa muntu.​—2 Petro 1:21.

•   Bantu baalia baaleembele Bibilia, baali bamanine bintu bya sayansi bisibanga byamanine bantu baali baikeele mu musita wabo. Kwa mufuano, lwa kale bantu bengi baali bamanine nangue kyalo kikeele pa nama umo, nga evelia nzovu, kapoli ao ngombe ndume. Kupusana ni vibaali bamanine babo bantu, Bibilia ili yalanda nangue Leeza “asaamikile kyalo pasili kantu.” (Yobu 26:7) Kabili, Bibilia ili yalondolola bwino sana kyalo vikili. Isaya 40:22, mu lulimi lwine lwa kwanza lwaaleembelwemo leli lilembo, Bibilia ilandile nangue kyalo “kya munzyungulu,” ao “kibulungene.” Bantu bengi bamwene nangue, bobo bulondolozi bunvuikile bwino bwaalandilue ntanzi, bwasininkizia nangue baalia baaleembele Bibilia baapeelue mano na Leeza.

•   Bibilia ili yaasuka bipuzio bingi bikolele sana, belia bimwenekele nangue kine te byasukilue bwino, kunti byamulengia muntu waandua kuzumina nangue Leeza kwali. Kwa mufuano: Kine Leeza i wa ntono kabili wa maka onse, ale juu ya ki kwema pamo ni bintu bibipile bivulile evi mu kyalo? Juu ya ki lingi tunisa i tuli twabasonsezia bantu bakite bintu bibipile pali pa kubasonsezia bakite bintu biweme?​—Tito 1:16.