LISOMO LYA 10
Kwalulula Lizui
Tuswalo ni Mafunde 8:4, 7
MU KIFUPI: Langilila malanga ao mawazo obe paswetele, kabili mu nzila isonseziizie kupitila kupilusia ao kukoosia lizui, kulanda mu nzila ilangiliile viwaiunvua ni kulanda lubilo-lubilo ao bukebuke.
VYA KUKITA:
-
Pilusia ao koosia lizui. Pilusia lizui lyobe eevi kulangilila bintu bikata ni kusonsezia bakatuilizia bobe. Kita evio vyenka musita luuli mukusoma Lileembo lilandiile palua bupinguzi. Koosia lizui lyobe eevi kubakwasia bakatuilizia bobe bakoonke bapoozeleko maano bintu biukebele kulanda ao eevi kulangilila muenzo ao kwema.
-
Alulula lizui eevi kulangilila viwaiunvua. Kine kyapala mu lulimi lwenu, pilusia lizui eevi kulangilila nsaansa, kutana ao kuleepa kwa kintu. Koosia lizui lyobe eevi kulangilila nkumbu ao kwema.
-
Landa lubilo-lubilo ao bukebuke. Landa lubilo-lubilo eevi kulangilila nangue unvuile nsaansa juu ya kintu kampanda. Musita luuli mukulondoluela bintu bya mana, uye wakeefiako lwendo.
