Uye wali ni mupaango. Inikanke ntanzi kine lyasi lyobe ni lya kuleeta mpunda, lya kusininkizia, ao lya kusonsezia baalia bakutuiliziizie, ni kisia, lilondolole kukoonkana ni mpaangilo yakue. Sininkizia nangue kila kintu kikata kyakukwasia kufikilizia mupaango obe.

Landila saana palua mutue wa lyasi lyobe. Luuli mukuya walanda lyasi lyobe, uye wazimbula milandu iine ya mutue wa lyasi ao uye wabombia milandu ili na mana yenka elia.

Langilila bintu bikata paswetele kabili mu nzila ileengele. Saakula sie bintu bikata beelia bikwateene ni mutue wa lyasi lyobe, kabili beelia biuli kuviinda kusambilizia buino pa nsita itantikilue. Te kubombia milandu ikata ingi, langilila paswetele kila mulandu ukata, ntanzi ya kuya pa mulandu ukata ukoonkelepo, tuzia kaniini, kisia bila kukokola endo waye pa mulandu ukata ukoonkelepo.