Bakwasie bakatuilizia bobe batontonkanie palua beelia bibazumiine ni beelia bili byabasonsezia. Ipuzia biipuzio beelia bili kubakwasia baalia bakutuiliziizie betoosie.

Bakwasie bakatuilizia bobe baye basonseziiwa na bintu biweeme. Bakwasie bakatuilizia bobe bamone juu ya ki bali bamunakila Leeza. Bakwasie baye batonene kukita bintu basonseziiziwe na bintu biweeme, nga evelia kumutona Yehova, beneetu, ni masambilizio a Bibilia. Tontonkania pamo ni bakatuilizia bobe; tiina kuya wabalanda-landa sie beelia bibapalile kukita ao kubazyelekania. Kuliko kubalengia beyunvue busoni ni kubalengia beyunvue kuya bali ni kilubo, ku mpela ya seemu yobe bakwasie beyunvue kuya bakoseleziiziwe, kabili basonsezie kukita bintu biweeme.

Bakwasie baye bapoozele maano kuli Yehova. Langilila namuna masambilizio, mafunde, ni malaizio ali mu Bibilia vibilangiliile mibeele yakue Leeza ni ntono yakue kuli fwefue. Bakwasie bakatuilizia bamutone Yehova, keekio i kili kubakwasia batontonkanie vyali waiunvua kabili bali kutona kumusaansamusia.