Pepa ni kwiteania buino. Mulombe Yehova akukwasie eevi uye wapoozele maano ku mpunda yobe apana ku we muine. Suunga mu maano bintu bikata biukebele kulondoluela. Londolola mu milandu yobe we muine, apana sie kubweluluka mulandu kwa mulandu nga viumwenekele mu mpapulo.

Landa bintu bifumine ku mutima. Tontonkania juu ya ki bakatuilizia bobe bakabiile kunvua ezio mpunda. Uye wabapoozeleko maano. Kine wakita evio, ngimanino yobe, tulangi toobe twa mubili ni twa pa menso tuli kulangilila nangue uli ni nsaansa kakiine kabili uli mukulondolola mu nzila ya burafiki.

Uye wabakentele bantu bakutuiliziizie. Bakente bakatuilizia bobe kine te kibiipile kukita evio ku fuasi kuwikeele. Kine uli mukulanda lyasi uye wakenta kila muntu palwakue, kuliko kubakenta bantu bonse mwa kimo.