LISOMO LYA 3
Kubombia Biipuzio
Mateo 16:13-16
MU KIFUPI: Beepuzie bakatuilizia bobe biipuzio mu nzila ya mukinzi eevi kubuusia nkulu yabo ni kubalengia batone kumana bingi, tontonkania nabo, kabili balangilile bintu bya mana.
VYA KUKITA:
-
Buusia nkulu ya bakatuilizia ni kubalengia batone kumana bingi. Ipuzia biipuzio beelia bili kulengia bakatuilizia batontonkanie palua lyasi ao kubalengia bonvue nkulu ya kumana kyasuko.
-
Tontonkania nabo palua lyasi. Bakwasie bakatuilizia bobe bamone kintu kampanda ao fulani vikipateene ni maano, kupitila kwipuzia biipuzio beelia bili kubalengia bapingule kukitapo kintu kiweeme.
-
Langilila bintu bya mana. Pa kutangizia liwazo lya mana, ipuzia kiipuzio keelia kili kulengia muntu atone kumana bingi. Bombia biipuzio bya kubwelelela kisia kupua kulondoluela bintu bya mana ao musita luuli mukupuililila bulondolozi.
