LISOMO LYA 6
Kulangilila Paswetele vya Kubombia Lileembo
Yoane 10:33-36
MU KIFUPI: Apana sie kusoma lileembo ni kutontokela pa seemu ikoonkelepo. Sininkizia nangue bakatuilizia bobe bamona paswetele kukwatana kuli pakati ka lileembo liwasoma ni kintu kyuli mukulondoluela.
VYA KUKITA:
-
Langilila milandu ya mana. Kisia kusoma lileembo, langilila milandu ikwateene saana ni kintu kikata kyuli mukulondoluela. Kunti wakita evio kupitila kusomamo kabili mu ezio milandu, ao kupitila kwipuzia kiipuzio kili kukwasia bakatuilizia bobe benike milandu ya mana ili mu lileembo.
-
Landila saana palua kintu kipalile kubiikililua na bakatuilizia bobe. Kine watangizia lileembo na nsaambu yakulengia usome leelio lileembo, langilila milandu ya leelio lileembo viikwateene ni ezio nsaambu.
-
Langilila mu nzila ileengele vya kubombia lileembo. Tiina kulondoluela bintu bisipateene na lyasi likata lyuli mukulondoluela. Inikanke beelia bisyamanine bakatuilizia bobe palua lyasi, kisia pingula bintu byuli kulondoluela ni beelia bipalile kumanua na bakatuilizia.
