Keba ni kubombia mpunda ifumine mu bintu biswapikikile. Bombia bulondolozi buswapiile Mulandu Wakue Leeza, kabili kine kyaviindikana soma mwenka mu Bibilia. Kine uli mukulondoluela mpunda ya sayansi, mpunda ya leenu kufuma ku radio, kintu kyakiimwenua ao mpunda inge ili kukwasia lyasi liuli mukulondoluela, toosiizia mbela kine koolia kwafuma mpunda kuswapikikile, kabili kine ni ya leenu.

Bombia buino biombo biwafumiamo mpunda. Bombia maleembo kukoonkana ni milandu izyungulukiile, kabili ikwatane ni mpunda yonse ili mu Bibilia, ni elia ili mu mpapulo yakue “muzia wa kisinka ni wa maano.” (Mat. 24:45, NWT) Kine wakeba kubombia biombo binge eevi uleete mpunda, te kwalulula bulondolozi ni kiine kikata kyaali kyakebele kulanda olia waaleembele.

Tontonkania pamo ni bakatuilizia bobe palua keekio kisinka. Kisia kusoma lileembo ao kuzimbula kuwafumia mpunda, ipuzia biipuzio mu nzila ya bufundi ao leeta mufuano uli kukwasia bakatuilizia bafikiile kwinika beene, kintu kiukebele kulanda.