Saakula byakumuenako bileengele. Nga evelia sie Yesu, bombia bintu biniini eevi kulondoluela bintu bikata ni bintu bileengele eevi kulondoluela bintu bikolele. Te kongezia bintu bisili bya mana bili kulengia kyakumuenako ao mufuano obe wandue kunvuika. Sininkizia nangue bintu bili mu mufuano obe bipateene kakiine ni lisomo lyuli mukukeba kusambilizia, eevi bakatuilizia bobe te kunti bavulunghaniiwe na bebio bintu bisipateene na lisomo liukebele kusambilizia.

Tontonkania palua bakatuilizia bobe. Saakula byakumuenako ao mifuano ya bintu bimanikile buino ku bakatuilizia bobe ni beelia bili byabasaansamusia. Uye wakengeele eevi byakumuenako byobe te kunti bibazyelekanie ao kubalengia bafiitue.

Sambilizia kintu kikata. Bombia kyakumuenako ao mufuano eevi kusambilizia bintu bikata apana bintu bisili na mana. Uye wasininkiziizie nangue bakatuilizia bobe te balangulukile sie kyakumuenako, inzi, kintu kibasambililanga kupitila keekio kyakumuenako.