Kulonghaana kwali kwakitua na Bakristu ba kuntendeko te mwali tuswalo. Ku ntantiko ya kulonghaana kubaanga kwali: nghiimbo, mapepo, kusoma ni kulondolola Maleembo. (1 Bakorinto 14:26) I vituli twalonghaana ni fwefue leenu.

Masambilizio a kisinka afumine mu Bibilia. Nsiku ya sita ao ya saba, kila libumba lili lyakolonghana eevi kutuilizia Lyasi Liswapiile Bibilia lya dakika 30, lili lyalangilila faida ya kubombia Maleembo mu buikazi bwetu ni mu nsita yeetu. Kila muntu ali wakupua kukoonka Maleembo mu Bibilia yakue. Kisia lyasi kupua, libumba lili lyakupua kwasuka musita wa lisambililo lya “Munara wa Mulinzi” (Lupungu Lwakue Kamwenenena). Bulondolozi boobo bwa nsaa imo, buli bwafuma mu lyasi limo lya mu kazeeti ka Munara wa Mulinzi (Lupungu Lwakue Kamwenenena), lili lyatukwasia kumana vya kubombia mafunde a mu Bibilia mu buikazi bwetu. Lyasi leelio lyenka, lya sambililua mu mabumba akilile pa 120 000 mu kyalo kyoonse.

Tuli twabeeleziiwa vya kusambilizia. Kabili tuli twakolonghana mu kati ka mulungu mu musita wa lyungulo eevi tulonghaane. Kulonghaana kooko kuli na bipitu bitatu, kuli kwakuutua miilo Utumishi na Maisha ya Mukristo (Miilo ni buikazi bwa Mukristu). Ni mafunde akue afumine mu Buku la Mukutano Utumishi na Maisha ya Mukristo (Libuku lya Kulonghaana kwa Miilo ni Buikazi bwa Mukristu). Kooko kulonghaana, kuli kwabaamba na Utajiri wa Neno la Mungu (Bunoonsi bwa Mulandu Wakue Leeza), kikata kyakue ni kumana Maleembo a mu Bibilia akisomua na libumba ntaanzi. Kwakoonkapo ni Tujitoe Kabisa Katika Kazi ya Kuhubiri (Tuipeele Kakiine mu Miilo ya Kusimikila); tuli twakentelela bilangililo bili byatukwasia kumana vya kulanda ni baange palua Bibilia. Olia emaniine kulonghaana aliwaleeta masoke paleepale a kutukwasia kuwamia namuna yeetu ya kusoma ni kulanda. (1 Timoteo 4:13) Ni kumpelezio, kulonghaana kwa Maisha ya Mukristo (Buikazi bwa Mukristu) kuli kwalangilila vya kubombia mafunde a Bibilia mu buikazi bwetu bwa kila busiku. Kulonghaana kooko, kuli kwakitua na bulondolozi bwa biipuzio ni maasuko, kuli kwatukwasia kuunvuisia buino Bibilia.

Masambilizio a Bibilia aweeme atuli twapata ku kulonghaana akaba kukusaansamusia kakiine.​—Isaya 54:13.

• Tuli twalonghaana siani?

• Weewe paloobe, utonene kwiza kulonghaana kwa siani?