Anzia kine tuli baakupita mu kisoonso, kuli mvula, mupepo ao kooba saana, tuli twatualilila sie kulonghaana. Maavia a mu buikazi bwetu, ao kunaka kisia kubomba miilo yeetu ya kimubili, te biizi kutuanzia kulonghaana pamo ni Bakasininkizia Bakue Yehova beneetu. Kukita evio, kuli kwatuletela faida ki?

Kuli kwatukwasia kwiunvua buino ni kwaluka ni aali iweeme ya kimupasi. Mutumua Paulo wabalembeele eevi bazumizi ba mu mabumba: “Tukile sie kukinkizyania.” I kulanda nangue, baali bapalile kumanana buino. (Baebrania 10:24) Boobu bulanzi, bwatukinkizia tuye twaemenana. Musita utuli twabamana beneetu ba mu kilonghaano, i lutuli twamana vibaanziizie maavia apaleene ni alia atuli nao. Kunti batukwasia ni fwefue twanzie maavia eetu.

Bukibuza butwaliliile. Musita wa kulonghaana kwetu, te tuizi kumanana sie evi-eevi, inzi tuli twaaluka bakibuza ba kiine. Lunge, tuli twapisia musita pamo mu kwisansamusia kufwaniine. Kukita evio kuli kwaleeta faida ki? Kuli kwatukwasia kubamona baange kuya baali bamana saana, ni kekio kili kyatukwasia tutonane saana. Pakaako, kine mwineetu wasaangua na maavia tuli twamukwasia mukwitonena, twalengiiziwe na kutonana kutuli nako. (Tuswalo ni Mafunde 17:17) Kukita bukibuza pamo ni balupua ni bankazi ba mu libumba lyetu, kwa langilila nangue ‘tuli twakuasyania.’​—1 Bakorinto 12:25, 26.

Twakukinkizia usaakule kibuza obe pa bantu bali baakita kutona kwakue Leeza. Uli kusaanga babibuza nga baabo pa kati ka Bakasininkizia Bakue Yehova. Twakupapaata ewee, te kulekeela kintu kyoonse kikuanzie kulonghaana pamo ni fwefue!

• Sababu ya ki tupalile kusanguako ku kulonghaana?

• Weewe, wakamana kilonghaano kyetu musita ki?