Kutona Kwakue Leeza Ni Kiki?
Leeza atonene bantu beekale loonse mu mutende ni nsaansa mu paradiso pa kyalo.
Paange kunti walaanda nangue “Tekikitika!” Inzi Bibilia ili yasininkizia nangue kyakakitika kupitila Bukolo Bwakue Leeza. Leeza atonene bantu boonse bamane biingi palua Bukolo ni kutona kwakue.—Malumbo 37:11, 29; Isaya 9:7.
Leeza atonene tube ni buikazi buweeme.
Baba aweeme waatona baana bakue babe ni buikazi buweeme. Evio vienka, ni Baba wetu wa ku muulu atonene tuye twali ni nsaansa loonse. (Isaya 48:17, 18) Alaile nangue: ‘Olia ali wakita mutoneene Leeza, wene i waakeekalilila muyayaya.’—1 Yoane 2:17.
Leeza atonene twende mu nzila yakue.
Bibilia ili yatubuila nangue Kabumba wetu atonene kutusambilizia “nzila yakue” eevi twende mu “tusebo twakue.” (Isaya 2:2, 3, nwt-ZS) Wateaniizie “bantu palua liina lyakue,” eevi kutona kwakue kumanike mu kyalo kyoonse.—Miilo 15:14, nwt-ZS.
Leeza atonene tumupupe mu buumo.
Lupupo lwa kisinka te lwakasania bantu; inzi luli lwabakolonghania na ntono ya kisinka. (Yoane 13:35) Eba, leenu, ni baani bali babasambilizia bantu bamubombele Leeza mu buumo? Mona byasuko mu eezi broshua.
Paange uli Kutona ni Eezi Mpunda
FWEFUE TULI BAANI?
Lisaambililo lia Bibilia Liakitua Siani?
Mwaya kyalo, Bakasininkizia Bakue Yehova bamanikile juu ya ntantiko yabo ya kubasambilizia bantu Bibilia bila kubalipisia. Mona lisambililo lya Bibilia vilili lyakitua.
FWEFUE TULI BAANI?
Pa Nsaambu Yaki Usambilile Bibilia?
Bibilia te isia kuasizie baantu beengi mu kialo kionse kusaanga biasuko ku bipuzio bikata bikata bia mu buikazi buabo. Ni we, kuunti watona kusaanga biasuko ku bipuzio biobe?
