Masomo a kiteokrasi a Bakasininkizia Bakue Yehova atendekele sie lwa kale. Kine waipeela mu miilo ya nsita yoonse, kunti wapata faida kupitila masomo a buunke ali kukukwasia ‘kubomba mwilo oobe wa bubombi buwaapeelue na Leeza.’​—2 Timoteo 4:5.

Masomo a Bapainia. Kumpelezio ya muaka wa kuanza wa miilo yakue, painia wa loonse aliwakupua kukoonka masomo ali akita nsiku sita. Liingi ali akitilua mu Nsesi ya Bukolo iliko peepi ni paabo. Kikata kya aaza masomo ni kumukwasia painia akile kumupalama Yehova, akile kuwamia bufuundi bwakue mu nzila yoonse ya kusimikila ni kutualilila mu kisinka miilo yakue ya bupainia.

Masomo a Bakabilambila ba Bukolo. Aaza masomo ali akitua mu miezi ibili. Kikata kyakue ni kukwasia bapainia bapalile, kabili batonene kufuma kuabo ni kuya kuboombela ku fuasi yoonse kubali kutumua. Bapalile baali ni mutima wa kulanda eevi: “Neene onu panu! Ale ntume!,” bakoonkele mufuano wasiilue na kabilambila mukulu kabili fundi saana, Yesu Kristu. (Isaya 6:8, nwt-ZS; Yoane 7:29) Eevi painia aviinde kukuuka ni kuya kule, apalile kuleengia buikazi bwakue. Paange nkitilo ya tuntu ao miikalile, aali ya ewa, ni byakulia kunti bya pusana ni beelia byali waizibiile kuabo. Ni musita unge, apalile asambilile lulimi lwa leenu luali kusaanga kooko. Aaza masomo, ali asomua na bapainia basinatoole ni basinatoolue ao bamulume ni mukazi, bali ni miaka kutendeka pa 23 mpaka 65. Ali abakwasia kumana vya kulangilila mibeele paleepale ya kimupasi yakaba kubakwasia koonse kubaakaba kutumua. Kabili, masomo aazo ali abapeela bufuundi eevi babonviiwe saana na Yehova ni kuteania kwakue.

Masomo a Bibilia a Gileadi. Mu Kiebrania, mulandu, “Gileadi” ulangiliile “muliba wa busininkizio.” Kubambila muaka wa 1943, i lwaizuilue Masomo a Gileadi. Bamisionere bakilile pa 8 000 tebasia somene masomo aazo ni kutumua kusimikila buino mu ‘kyalo kyoonse.’ (Miilo 13:47) Musita Bakugileadi lubaafikile mu kyalo kya Pérou, te mubaanga muali ata libumba lya Bakasininkizia Bakue Yehova. Inzi loonu, muli mabumba akilile pa 1 000. Mu kyalo kya Japon muene mubanga muali sie Bakasininkizia baniini, basikumeene likumi musita wafikilemo bamisionere. Inzi loonu, muli Bakasininkizia bakilile pa 200 000. Mu aazo masomo a miezi 5, mwasaangua kusambilila ni kutoosia buino saana Mulandu Wakue Leeza. Ku aazo masomo bali bakupa bapainia ba buunke, bamisionere, balia bali babombela ku Beteli ni bakangalila ba muputule pamo ni bakazi baabo, eevi babeeleziiwe buino pa kukoselezia ni kulumia miilo ya mu kyalo kyoonse.

• Kikata kya Masomo a Bapainia ni kiki?

• Naani apalile kusoma Masomo a Bakabilambila ba Bukolo?