Miilo paleepale, ili yabombua na musambo wa mu kyalo, ao Beteli, ni kutungulula miilo ya kusimikila mu kyalo ao mu byalo nga evelia: kupilibula, kufumia mpapulo ku mapapie, kubiika jalada, kutuala mpapulo mu nkende ipalile ni kukita ma viideo ni mazui akopiiziwe akutwilizia sie ni biingeko.

Uli watantika miilo kupitila Kabungue ka ku musambo. Kabungue Kali Katungulula, kali kapeela Kabungue ka ku musambo miilo ya kwimanina Beteli. Kabungue kaako kali kaimanina, kalikaundua na bakote batatu eevi, bali ni bufuundi bukata bwa kwinika tuntu. Bakote bali mu Kabungue ka ku musambo i bali babuila Kabungue Kali Katungulula buyantaanzi ni masaanzo ali mu kyalo kibemaniinemo miilo. Mpunda yaabo ili yakwasia Kabungue Kali Katungulula kumana maasi apalile kubiika mu mpapulo ili yaiza, mu kulonghaana kwa mu mabumba, ni ku kulonghaana kukata. Balupua bali batumua na Kabungue Kali Katungulula bali baendela misambo eevi kukwasia tubungue twa musambo kufikilizia buino miilo yaabo. (Tuswalo ni Mafunde 11:14) Ku kulonghaana kwa buunke, lupua atuminue na Kabungue Kali Katungulula ali walaanda lyasi lya bantu boonse lili lyakoselezia Bakasininkizia mu kyalo kyaendela.

Uli wakwasia mabumba a mu kyalo keekio. Ku musambo, balupua bali ni miilo ya kutoosia palua kuundua kwa mabumba, ni kwimanina miilo ya bapainia, bamisionere, bakangalila ba muputule, kuteania kulonghaana kukata, kwimanina kukuulua kwa Masesi a Bukolo ni kutuala mpapulo ikebelue mu mabumba. Miilo yoonse ili yakitua ku musambo ili yakwasia miilo ya kusimikila ikitike buino.​—1 Bakorinto 14:33, 40.

• Tubungue twa musambo tuli twakwasia siani Kabungue Kali Katungulula?

• Ni miilo ki ili yabombua na kabungue ka musambo?