Ni kiki kialeeta nsaansa mu buikazi bua mu kiupo?
Uli kulaanda nangue ni . . .
-
kutonana?
-
nfalaanga?
-
kintu kiinge?
BIBILIA YA LAANDA EEVI
“Bali ni nsaansa, ni balia balibatuilizia mulandu wa kua Leeza, ni kuukonka!”—Luka 11:28, Bibilia Takatifu—Tafsiri ya Ulimwengu Mpya.
KUZUMINA EVIO KUUNTI KUA KUKUASIA SIANI?
Uli kutonua kisiinka.—Baefeso 5:28, 29.
Uli kukiindikua kisiinka.—Baefeso 5:33.
Uli kuya wali ni muteende kisiinka.—Marko 10:6-9.
KUUNTI TUAZUMINA BEBIO BIALAANDA BIBILIA?
Een, pa nsaambu ibili:
-
Leeza i ntendeko ya buikazi bua mu kiupo. Bibilia yalaanda nangue kiupo kionse kiafumine kuli Yehova Leeza. (Baefeso 3:14, 15) Kulaanda eevi, kine kuli kiupo ni paantu Yehova Leeza waatonene kibe kialipo. Mona kitualandila eevio:
Kine walia saasa weelekele buino, kabili watona kumana kisoonsezie ozo saasa, uli kuipuzia nii? Olia waelekaanga.
Evelia vienka, kine tutonene kumana kia leeta nsaansa mu kiupo, ilikuba yali buino kumuipuzia Yehova, muine wateendekezizie kiupo.—Kuteendeka 2:18-24.
-
Leeza akupozeleko maano. Kaansi kili buino kine biupo bionse bia koonka mafuunde a kua Yehova, azo ali mu Mulandu waakue. Pa nsaambu yaaki? “Paantu weene amipozeleko maano.” (1 Petro 5:6, 7) Yehova wakulaangulukila tuweeme ku mutima wakue. Kabili, mafuunde akue, atutuala kuweeme!—Tusualo ni Mafunde 3:5, 6; Isaya 48:17, 18.
KUUNTI WAIIPUZIA EEVI
Ndekukita siani pa kuunti ngie naali mulume uweeme, mukazi uweeme, ao muviazi uweeme?
Bibilia yaasuka, ku keekio kipuzio, mu lileembo lia BAEFESO 5:1, 2 ni BAKOLOSAI 3:18-21.
Paange uli Kutona ni Eezi Mpunda
FWEFUE TULI BAANI?
Pa Nsaambu Yaki Usambilile Bibilia?
Bibilia te isia kuasizie baantu beengi mu kialo kionse kusaanga biasuko ku bipuzio bikata bikata bia mu buikazi buabo. Ni we, kuunti watona kusaanga biasuko ku bipuzio biobe?
FWEFUE TULI BAANI?
Loomba Usambilile Bibilia
Saanga mafuunde kufuma mu Bibilia pa fuasi ni mu musita nga via uli kutona.
