LISOMO LYA 02
Bibilia Ilaile Nangue Musita Uli Waiza Wakaba Waweeme
Bantu bengi mwaya kyalo, bali ni maavia ali mukubaleetela bulanda, kubalengia beeme kabili bakisue. Eba, mu buikazi bobe, waapatiluepo kale na kintu kyaakulengiizie wiunvue evio? Paange buluele buuli nabo buli mukukulengia weeme, ao paange ufuiliilue na muntu u utonene. Paange uli waiipuzia, ‘Buikazi bwakawamapo?’ Bibilia ili yaleeta kyasuko kili kyateekia mutima ku keekio kiipuzio.
1. Bibilia ili yatupeela kiswapilo ki palua musita uli waiza?
Bibilia ili yatubuila juu ya ki kyalo kizuilepo maavia. Kabili ili yatubuila nangue aza maavia ni a musitasie uniini, kabili nangue akaba kufumaposie leenu. Bintu bilaile Bibilia palua musita uli waiza kunti byakupeela “bukoselezio bwa muyayaya ni kiswapilo kilumine.” (Soma 2 Batesalonika 2:16.) Bebio bintu bilailue bili byatukwasia kusipikizia maavia etu ni kutulengia tuye twali ni nsaansa atasie leenu. Kabili bili byatusininkiziizia nangue twakaba kwaluka ni nsaansa loonse.
2. Musita uli waiza ulailue na Bibilia wakaba wali siani?
Bibilia ili yalanda nangue musita uli waiza “tekukaba lufu, tekukaba malilo ao kuloosia ao kwema.” (Soma Nfyulo 21:4.) Aza maavia a bupabi, kubula kwa nsaambu, maluele, ni kufua ali mukulengia leenu bantu bazeezie kiswapilo. Inzi musita uli waiza, te akabako kabili. Bibilia ilaile nangue ozo musita, bantu bakaba kusekelela buikazi mu Paradiso pa kyalo.
3. Kunti waaluka siani ni kisinka nangue beelia bilaile Bibilia byakaba kukitika?
Bantu bengi bali basaangua baswapiile bintu biweeme bikitike, inzi te bali na kisinka nangue bintu bebio byakaba kufikiliziiwa. Inzi beelia bilaile Bibilia, ni bya kisinka. Kunti twakila kuswapila beelia bilandile Bibilia kupitila ‘kusambilila Maleembo [twapoozeleko ni maano].’ (Miilo ya Batumua 17:11) Luuli kuya wasambilila Bibilia, uli kuviinda kumona we muine kine beelia bilandile Bibilia ni bya kisinka ao abe.
TUKEBE SAANA
Mona bintu paleepale bilandile Bibilia nangue byakaba kukitika musita uli waiza. Mona kiswapilo kitupeelue na Bibilia vikili mukukwasia bantu leenu.
4. Bibilia itupeele kiswapilo kya kwikala loonse bila kwema ata kaniini
Mona bintu bilailue na Bibilia bili paapa pensina. Bulayo ki buwatonesiapo? Juu ya ki?
Some maleembo alangiliilue kisia bobo bulayo, kisia londoluele beebi biipuzio:
-
Eba, aza maleembo akupeela kiswapilo? Eba, umwene nangue bantu ba mu lupua lobe ni babibuza kunti baaluka ni kiswapilo kine ni beene bamana aza maleembo?
Iimone kuya waikeele mu kyalo moolia
|
MUSIKABA MUNTU WA . . . |
KILA MUNTU WAKABA . . . |
|---|---|
|
|
|
|
|
|
|
|
|
|
5. Bintu bilaile Bibilia bili kuviinda kuwaamia buikazi bobe
Bantu bengi bali mukutioka mutima ni kufiitua juu ya maavia abali mukumona. Bange bali mukwikwinda saana eevi kumonasie paange bali kuwaamia bintu, inzi, bali mukwandua. Bibilia ilaile nangue bintu byakaba kuwaama saana. Mona bobo bulayo vibuli mukukwasia bantu leenu. Mone VIIDEO, kisia, londoluele biipuzio bili paapa pensina.
-
Mu ezi viideo, ni bintu ki bisili bya nsaambu byaali byamwemia Rafika?
-
Anzia kine bintu bisili bya nsaambu byabanga wamona te byaapuile, Bibilia yaamukwasiizie siani?
Kine twaswapila beelia bilaile Bibilia palua musita uli waiza, tetutioka mutima. Tuli kuya twali ni nsaansa anzia kine tuli ni maavia. Some Tuswalo ni Mafunde 17:22 ni Baroma 12:12, kisia, londoluele beebi biipuzio:
-
Eba, umwene nangue beelia bilandile Bibilia palua musita uli waiza kunti byawaamia buikazi bobe leenu? Juu ya ki?
BANGE BALI BALANDA: “Bintu bilaile Bibilia palua musita uli waiza tebikakitikapo.”
-
Juu ya ki umwene nangue ni kintu kya mana kutoosia bintu bisininkiziizie nangue bulayo buli mu Bibilia bwakaba kufikiliziiwa?
MU KIFUPI
Bulayo buli mu Bibilia bulandile nangue musita uli waiza wakaba waweeme, buli bwatupeela kiswapilo ni kutukwasia kusipikizia maavia.
Kunti waasuka siani?
-
Juu ya ki bantu bakabiile kumana bulayo buli mu Bibilia palua musita uli waiza?
-
Bibilia ilaile ki palua musita uli waiza?
-
Kuya wali ni kiswapilo palua musita uli waiza kunti kwakukwasia siani leenu?
MANAKO NI BINGE
Mona kiswapilo vikili kukukwasia musita luuli mu maavia.
“Kunti Wapata pi Kiswapilo?” (Buuke! ya pa nsiku 22/04/2004)
Mona kiswapilo palua musita uli waiza vikili kubakwasia baalia bali baemiiwa na buluele busiizi kukosapo.
Musita luuli kuya wamona eezi viideo, iimone we muine pamo ni lupua lobe mwali mukusekelela buikazi mu Paradiso ilailue na Bibilia.
Mona buikazi bwa muntu umo waali waluisia palua nsaambu ya bantu vibwaalulukile musita lwaasambiliile beelia bilandile Bibilia palua musita uli waiza.
