Kila muntu ali watona babibuza bakue baye bali bantu ba kisinka. Yehova ni weene, atonene babibuza bakue baye bali bantu ba kisinka. Inzi te kileengele kuya wali muntu wa kisinka mu keenu kyalo kilimo bantu bengi basili ba kisinka. Kunti twapata mpaalo ki kine tuli bantu ba kisinka mu bintu byonse?

1. Ni nsaambu ki ikata saana ili kulengia tuye twali bantu ba kisinka?

Kine tuli bantu ba kisinka ku bantu bange, twalangilila nangue tumutonene Yehova, kabili tumukindikile. Mona: Yehova amanine kila kintu kituli twatontonkania ni kukita. (Baebrania 4:13) Ali wamona musita utuli twasaakula kuya twali ba kisinka, kabili ali wasekelela kine twakita evio. Mulandu wakue uli walanda eevi: “Yehova asuulile muntu mupompo, inzi ali wakita bukibuza bwa peepi pamo ni bantu balungheeme.”​—Tuswalo ni Mafunde 3:32.

2. Kila busiku, kunti twalangilila nangue tuli ba kisinka mu nzila ki paleepale?

Yehova atonene tuye ‘twabuilana kisinka.’ (Zekaria 8:16, 17) Ezio milandu ili na mana ki? Musita onse utuli twalanda ni bantu ba mu lupua lwetu, babombi neetu, balupua ni bankazi neetu Bakristu, ao bakulu ba mu buteeko, tetwizi kubeepa ao kubapeela mpunda ya bufi. Bantu ba kisinka tebeezi kubeebila bange ao kubapompola. (Some Tuswalo ni Mafunde 24:28 ni Baefeso 4:28.) Kabili bali balipa bitansi ao mikanda yonse ibali baloombua. (Baroma 13:5-7) Kine twakita bebio bintu ao bingeko, tuli ‘kuya twali ba kisinka mu bintu byonse.’​—Baebrania 13:18.

3. Kine tuli bantu ba kisinka tuli kupata mpaalo ki?

kine tumanikile nangue tuli bantu ba kisinka, bange bali kutuswapila. Tuli kukwasia kila muntu eyunvue buino kuya wali mu kilonghaano, esaange nga eveliasie ali mu lupua luli ni ntono. Tuli kuya twali ni kampingu kaswetele. Kuya twali bantu ba kisinka kunti kwalengia kabili bantu ‘bakindike masambilizio ali asambiliziiwa palwakue Leeza Mupususi weetu,’ ni kulengia bange batendeke kumubombela Yehova.​—Tito 2:10.

 TUKEBE SAANA

5. Tuye twali bantu ba kisinka nsita yonse

 6. Kuya twali bantu ba kisinka kuli kwatuleetela mpaalo

Ku ntendeko, kunti yamoneka nangue kuya wali muntu wa kisinka kuli kukuleetela buavia. Inzi, mu kupita kwa nsiku, kuya wali muntu wa kisinka kuli kwamoneka nangue lyonse i kintu kiweeme saana. Some Malumbo 34:12-16, kisia londoluele keeki kiipuzio:

• Kuya wali muntu wa kisinka kuli kuwaamia siani buikazi bobe?

1. Kine ba mulume ni mukazi ni ba kisinka, bali balumia kyupo kyabo

2. Babombi ba kisinka, bali balengia bakulu babo ba miilo babaswapile

3. Baraia ba kisinka, bali baaluka ni lulumbi luweeme ku bakulu ba buteeko

 MU KIFUPI

Yehova atonene babibuza bakue baye bali ba kisinka mu bintu byonse bibali balanda ni kukita.

Kunti waasuka siani?

• Ni mu nzila ki paleepale mu tuli kulangilila nangue tuli ba kisinka?

• Weewe pa lobe, juu ya ki te tupalile kutontonkania nangue kunti twamufiika Yehova kintu kampanda?

• Juu ya ki utonene kuya wali wa kisinka nsita yonse?