LISOMO LYA 37
Bibilia Ili Yalanda Siani Palua Kubomba Miilo ni Nfalanga?
Eba, waemenepo kale mu maano wakeba kupata miilo ao nfalanga mu buikazi bobe? Kunti kyaya kyakolele kupata beelia bitukebele mu buikazi ni wenka ozo musita twamubombela Yehova kwa mutima weetu onse. Bibilia ili yatupeela masoke paleepale ali atukwasia.
1. Bibilia ili yalanda siani palua kubomba miilo?
Leeza atonene tuye twasekelela mu miilo yeetu. Bibilia ili yalanda nangue “te kuli kintu kiweeme saana ku muntu kipitile . . . kusekelela mu miilo yakue ikolele.” (Kasimika 2:24) Yehova ali wabomba saana. Kine twakoonka mufuano wakue, kupitila kubomba na maka miilo yeetu, tuli kumusaansamusia kabili tuli kupatilamo nsaansa fwe beene.
Miilo ni ya mana. Inzi, te tupalile ata kaniini kulekelela miilo yaaluke ya mana saana mu buikazi bwetu kupita kumupupa Yehova. (Yoane 6:27) Yehova alaile nangue kine twabiika miilo yakue pa ntaanzi mu buikazi bwetu, wakaba kutupeela beelia bitukabiile.
2. Ni mawazo ki ateekameene palua nfalanga?
Musita Bibilia luili yalanda nangue ‘mpango ili yasuunga,’ ili yatusoka kabili nangue te nfalanga sie ili kutuleetela nsaansa. (Kasimika 7:12) Kukila pakaako, tuli twakinkiziiwa te kuti tutone nfalanga, inzi ‘tuwaaminue na beelia bituli nabio.’ (Some Baebrania 13:5.) Kine twatwalilila kuya twawaamiinue ao twasekeleele beelia bitukwete, tetuya twafiitua juu ya kumona nangue te tukwete bintu bingi. Tuli kutiina kwaluka ni madeeni asili na mana. (Tuswalo ni Mafunde 22:7) Kabili tuli kutiina kwingila mu muteo wa kusaapa misaapo ya kubukana nfalanga ao bintu, ni kwingila mu tubungue ao bikundi bya bantu bali balaya bantu nangue bali kunoonkasie lubilo-lubilo.
3. Kunti twabombia siani nfalanga bila butani?
Yehova ni Leeza ali wapaana, kabili tuli twakoonka mufuano wakue musita utuli twalangilila ‘buwaame, ni kwiteania kukwasiako bange bintu bya mu bunoonsi bwetu.’ (1 Timoteo 6:18) Kunti twabombia nfalanga yeetu bila butani kine twakwasiako kilonghaano, kabili kine twabakwasiako bange, aasa bazumizi neetu. Yehova ali wasekelela saana, apana paantu twafumia bintu bingi, inzi ali wasekelela lwali wamona keelia kyatulengia tubapeeleko bange. Kine twakwasiako bange na mutima weetu onse, tuli kwaluka ni nsaansa kabili tuli kumusaansamusia Yehova.—Some Miilo ya Batumua 20:35.
TUKEBE SAANA
Tumone mpaalo ili yafuma mu kutwalilila kubomba miilo ya kimubili ni kuya twali ni nsaansa.
4. Mukindike Yehova kupitila viuli wabomba miilo
Paantu tuli babibuza bakue Yehova, tupalile kuya twali ni maano nga akue palua kubomba miilo. Mone VIIDEO, kisia londoluele beebi biipuzio.
-
Mu eezi viideo, pa lobe ni kiki kyakupapia palua mibeele yakue Jason ni lwendo lwakue musita lwali ku miilo?
-
Waakitile ki eevi aye wabiikile miilo yakue ya kimubili pa fuasi ipalile?
Some Bakolosai 3:23, 24, kisia londoluele keeki kiipuzio:
-
Juu ya ki tupalile kubomba miilo na maka etu onse?
Kubomba miilo kuweeme. Inzi, te tupalile ata kaniini kulekelela miilo yaaluke ya mana saana mu buikazi bwetu kupita kumupupa Yehova
5. Kusekelela bintu bituli nabio kuli kwatuleetela mpaalo
Bantu bengi bali baikwinda saana eevi bapate nfalanga ingi. Inzi Bibilia ili yatupeela masoke apuseene ni azo. Some 1 Timoteo 6:6-8, kisia londoluele keeki kiipuzio:
-
Bibilia yatukinkizia tukite ki?
Anzia kine te tukwete bintu bingi mu buikazi, kunti twaya twali ni nsaansa. Mone VIIDEO, kisia londoluele keeki kiipuzio.
-
Anzia kine te bakwete bintu bingi, juu ya ki balume ni bakazi pamo ni baana babo bali mu eezi viideo bali ni nsaansa?
Ale kine tukwete mbeela bintu bingi inzi kuya twatonene kupatilapo kabili binge? Yesu waaleetele mufuano ulangiliile nangue te kiweeme kutontonkania evio. Some Luka 12:15-21, kisia londoluele keeki kiipuzio:
-
Ozu mufuano waleetele Yesu wakusambilizia ki?—Mona mulongo wa 15.
Some ni kupalania Tuswalo ni Mafunde 10:22 ni 1 Timoteo 6:10. Kisia londoluele beebi biipuzio:
-
Weewe, watontonkania nangue ni kiki kya mana saana? Eba, ni kuya wali kibuza wakue Yehova ao ni kuya wakwete nfalanga ingi? Juu ya ki?
-
Kine muntu ali watona kupata nfalanga ingi saana, ali kwaluka ni maavia ki?
6. Yehova wakaba kutupeela beelia bitukabiile
Kine tuli mu buavia bwa kupata miilo ao nfalanga itoosiizie, ezio aali kunti yatukwasia kumana kine tumuswapiile Yehova. Mone VIIDEO eevi mumone vya kukita mu bobo buavia, kisia londoluele beebi biipuzio.
-
Mu eezi viideo, ozu lupua waasaakeene ni maavia ki?
-
Waakitile ki eevi aviinde kusipikizia azo maavia?
Some Mateo 6:25-34, kisia londoluele keeki kiipuzio:
-
Yehova alaile kubakitila ki bonse bali bamubiika pa ntaanzi?
BANGE BALI BALANDA: “Mpalile kubomba saana eevi kukwasia lupua lwane. Nsiviinda kuya naya ku kulonghaana kila mulungu.”
-
Ni lileembo ki lyakusininkiziizia nangue Yehova wakaba kutupeela beelia bitukabiile kine twatangizianke lupupo lwakue?
MU KIFUPI
Miilo ya kimubili ni nfalanga ni bya mana, inzi te bipalile ata kaniini kutulengia tupuulule kumubombela Yehova.
Kunti waasuka siani?
-
Ni kiki kili kukukwasia utwalilile kuya wali ni maano ateekameene palua kubomba miilo?
-
Kusekelela bintu biuli nabio, kunti kwakuleetela mpaalo ki?
-
Kunti walangilila siani nangue uswapiile bulayo bwakue Yehova bwa kubapeela bantu bakue bintu bibakabiile?
MANAKO NI BINGE
Mona kine Bibilia ili yalanda nfalanga ibiipile.
“Eba, Nfalanga I Nsulo ya Bintu Byonse Bibiipile?” (Lyasi lili mu Kitente kya Enternete)
Mona vya kubombia nfalanga yeetu eevi tumusaansamusie Leeza.
“Bibilia Ili Yalanda ki Palua Kupeelana?” (Lyasi lili mu Kitente kya Enternete)
Eba, kusaapa misaapo ya kubukana nfalanga ao bintu kubiipile?
“Misaapo ya Nfalanga ao Bintu—Bibilia Ili Yalandapo Siani?” (Buuke!, ya Muezi wa 03, 2015)
Mwalalume umo, waali kipondo kabili waali wasaapa misaapo ya kubukana nfalanga ao bintu. Mona kyaamukwasiizie aalulule buikazi bwakue.
