Tontonkania mama umo ali ni ntono ali waemena kila busiku kumuteaniizia muana wakue kyakulia. Pa kutendeka kweleka, ali wasininkizia nangue kila kintu kiswetele: byakulia, masaani, mipika, ni pa fuasi pa bali kuya kuliila. Kukita evio, kuli kwakwasia muana aye wali ni bukose bwaweeme. Kabili kuli kwakwasia bange bamone nangue baviazi bali baemena muana wabo. Enka evio, ni Baba weetu wantono Yehova, atonene tuye twaswetele kimubili ni mu lwendo lwetu. Kine tuswetele, tuli twanoonkelamo fwe beene ni kulengia Yehova akindikue.

1. Kunti twakita siani eevi mubili weetu uye waswetele pamo ni bintu byetu?

Yehova ali watulanda eevi: “Mupalile kuya mwali batakatiifu.” (1 Petro 1:16, NWT) Pa kuti tuye twali batakatiifu, mubili weetu pamo ni bintu byetu ni lwendo lwetu, bipalile kuya byaswetele. Tuli kuya twaswetele kimubili kine twasamba kila busiku, twafula maubo etu, twatengenezia ni kuswesia nsesi yeetu, nkinga ao biombo binge bili byatukwasia kulenga kwenda. Kabili kunti twakwasia kukita busaka ku Nsesi ya Bukolo. Kine twatwalilila kuya twaswetele kimubili, tuli twalengia Yehova akindikue.​—2 Bakorinto 6:3, 4.

2. Eevi tuye twaswetele, tupalile kutiina mibeele ki?

Bibilia ili yatusoka “tulekele byonse bili byatiikaania mibili ni mitima yeetu.” (2 Bakorinto 7:1) I kulanda nangue tupalile kutiina kila kintu kili kwinoona mubili weetu ni maano etu. Bintu bituli twatontonkania, bipalile kumusaansamusia Yehova. Pakaako, tuli twakita yeetu yonse eevi kutiina malanga ao mawazo asipalile. (Malumbo 104:34) Kabili tuli twaikwinda kubombia bulanzi buweeme.​—Some Bakolosai 3:8.

Ni bintu ki binge bili kulengia tuye twafiitile kimubili ao mu lwendo lwetu? Bintu binge kunti byafiisia ao kwinoona mubili weetu. Pakaako, tuli twatiina kupeepa fwanka, libange, kutakina mira ao maani a koka (coca), ao kubombia miti inge ili yakolana juu ya kwisaansamusia. Lutuli twatiina kukita bebio bintu, tuli twaaluka ni bukose bwaweeme saana, kabilli tuli twalangilila nangue tukindikile bukose butwapeelue. Kabili tuli twaaluka ni lwendo luweeme musita utuli twaikwinda te kunti tukite bintu bisiweeme nga evelia kusaapia bwamba bobe we muine eevi kufikilizia nkulu ya kulaalana ao kumona porno. (Malumbo 119:37; Baefeso 5:5) Kunti kyaya kyakolele kulekela kukita bebio bintu, inzi Yehova kunti watukwasia kubilekela.​—Some Isaya 41:13.

 TUKEBE SAANA

3. Kuya twaswetele kimubili kuli kwamulumbania Yehova

Musita utuli twasoma mizilo yaapeelue Baisraeli kuli Yehova, tuli twamana juu ya ki ni kintu kya mana bantu bakue baye baswetele. Some Kufuma 19:10 ni 30:17-20, kisia londoluele beebi biipuzio:

• Aza maleembo alangilila siani paswetele malanga akue Yehova palua busaka bwa kimubili?

• Kila busiku, upalile kukita ki eevi uye waswetele?

Iloombele musita ni kwikwinda eevi tuye twaswetele kimubili. Inzi, kunti twakita busaka anzia kine twikeele pi ao kine tuli bapabi ao banoonsi. Mone VIIDEO, kisia londoluele keeki kiipuzio.

• Juu ya ki bantu batuli twasimikila bali bamukindika saana Yehova musita ubali bamona nangue bintu byetu bipaangilue buino kabili biswetele?

4. Lekela mibeele ibiipile

Kine uli wapeepa ao kumina miti ili yakolana juu ya kwisaansamusia, kunti waya wamanine kakiine vikikolele kulekela ezio mibeele. Ni kiki kili kukukwasia? Mona ezio mibeele viili yaalula bukose bobe. Some Mateo 22:37-​39, kisia londoluele beebi biipuzio. Kupeepa fwanka ao kubombia ovio miti ili yakolana kunti kwaalula siani . . .

• bukibuza bwa muntu pamo ni Yehova?

• bantu ba mu lupua ni bantu bange bali peepi nakue?

Tontonkania bintu biupalile kukita eevi ulekele mibeele ibiipile. Mone VIIDEO.

Some 2 Bakorinto 4:7, kisia londoluele keeki kiipuzio:

• Kupepa lyonse, kusambilila Bibilia, ni kuya ku kulonghaana lyonse, kunti kwamupeela siani muntu maka a kulekela mibeele ibiipile?

 5. Luisia malanga abiipile pamo ni lwendo lubiipile

Some Bakolosai 3:5, kisia londoluele beebi biipuzio:

• Ni kiki kyatukwasia kumana nangue porno, mpunda ileembelue ilangiliile bintu bya kulaalana, ma foto, ma viideo, ni kusaapia bwamba bobe we muine, bibiipile pa menso akue Yehova?

• Eba, watontonkania nangue kilisie buino Yehova aye waswapiile tuye twaswetele mu lwendo lwetu? Juu ya ki?

Mona vya kulekela malanga abiipile. Mone VIIDEO.

Yesu waaleetele mufuano ulangiliile nangue tupalile kupingula kakiine kukita bintu bili kutukwasia tutwalilile kuya twali ni lwendo luweeme. Some Mateo 5:29, 30, kisia londoluele keeki kiipuzio:

• Yesu taali wakebele kulanda nangue tupalile kwikita ovio. Inzi, waali wakebele kulanda nangue tupalile kukita maka saana eevi tusiale twaswetele. Muntu apalile kukita bintu ki eevi atiine malanga abiipile?

Kine uli mukuya waluisia eevi ulekele mawazo abiipile, Yehova amwene kwikwinda kobe kuya kwali kwa mana. Some Malumbo 103:13, 14, kisia londoluele keeki kiipuzio:

• Kine uli mukwandua kulekela mibeele ibiipile, leeli lileembo lyakukoselezia siani eevi utwalilile kuluisia?

 MU KIFUPI

Tuli twamusaansamusia Yehova kine twatwalilila kuya twaswetele kimubili, mu maano, ni kuya twali ni lwendo luweeme.

Kunti waasuka siani?

• Juu ya ki ni kintu kya mana saana kuya twaswetele?

• Kunti wakita siani eevi uye waswetele kimubili?

• Kunti wakita siani eevi utwalilile kuya wali ni malanga aweeme ni lwendo luweeme?