Kupitulukamo mu Seemu ya 1
Londolola beebi biipuzio pamo ni mwalimu obe:
Ni bintu ki biutonene saana bilaile Bibilia palua musita uli waiza?
(Mona Lisomo lya 02.)
Juu ya ki uzumiine nangue Bibilia ni Mulandu Wakue Leeza?
(Mona Lisomo lya 03 ni lya 05.)
Juu ya ki ni kintu kya mana kubombia liina lyakue Yehova?
(Mona Lisomo lya 04.)
Bibilia ili yalanda nangue Leeza i “waalengele ao waabumbile byonse.” (Nfyulo 4:11) Ni weewe uzumiine evio?
(Mona Lisomo lya 06.)
Some Tuswalo ni Mafunde 3:32.
Juu ya ki Yehova i Kibuza aweeme saana utuli kwaluka nakue?
Pa kuti twaluke babibuza bakue Yehova, tupalile kukita ki? Weewe pa lobe watontonkania nangue kilisie buino kukita evio?
(Mona Lisomo lya 07 ni lya 08.)
Some Malumbo 62:8.
Luuli wapepa kuli Yehova, ni bintu ki paleepale biuli wabiika mu mapepo obe? Utengele ukabe kupepa kabili palua bintu ki binge?
Yehova ali waasuka siani mapepo etu?
(Mona Lisomo lya 09.)
Some Baebrania 10:24, 25.
Kulonghaana pamo ni Bakasininkizia Bakue Yehova kunti kwakukwasia siani?
Eba, watontonkania nangue iloombele kukita maka eevi kuyako ku kulonghaana?
(Mona Lisomo lya 10.)
Juu ya ki kiweeme kusoma Bibilia kila busiku? Weewe uli wasoma Bibilia kila busiku na nsa ki?
(Mona Lisomo lya 11.)
Kufikiila loonu, ni bintu ki bili byakusaansamusia saana mu kusambilila Bibilia?
Ntangia luwatendekele kusambilila Bibilia, wakisaakaana ni maavia ki? Ni kiki kili kukukwasia eevi utwalilile kusambilila?
(Mona Lisomo lya 12.)
