LISOMO LYA 06
Bukose Bwaatendekele Siani?
“Weewe [Leeza] i waalengele ao waabumbile byonse.” (Nfyulo 4:11) Ni weewe uzumiine evio? Bantu bange bali balanda nangue bukose te bwaabumbilue, bwaaikitilesie buine. Kine nangue keekio i kisinka, kansi ni fwefue twaalukilekosie mu kutulumukila. Inzi, Yehova i waabumbile bukose, kabili ali ni nsaambu ikata yaamulengiizie akite evio. a Mona Bibilia viili yalanda bukose vibwatendekele, kabili juu ya ki tuli ni nsaambu iweeme ya kuzumina nangue ezio milandu ni ya kisinka.
1. Myulu ni kyalo byaalukileko siani?
Bibilia ili yalanda nangue: “Ku ntendeko Leeza waabumbile myulu ni kyalo.” (Kutendeka 1:1) Bantu bengi basambiliile sayansi, betabiile nangue myulu ni kyalo bili ni ntendeko. Leeza waabibumbile siani? Waabombiizie “maka akue ali abomba,” i kulanda mupasi wakue utakatiifu eevi abumbe kila kintu kili mu myulu, kubiika pamo ni magalaksi ao bikundi bya ntanda, koba, kyalo ni bingeko.—Kutendeka 1:2.
2. Juu ya ki Leeza waabumbile kyalo?
Yehova ‘taabumbilesie [kyalo] kwa mpuni, inzi waabumbile eevi kikalwepo na bantu.’ (Isaya 45:18) Waabumbile kyalo kyetu kiye kyali fuasi yaweeme saana ya kwikalapo kabili iye yali nsesi yeetu loonse. (Some Isaya 40:28 ni 42:5.) Bantu basambiliile sayansi, bali balanda nangue kyalo kiibeleele saana. Baavumbuile nangue kyalo sie bunke, i kilipo bintu byakukwasia muntu ekalepo kabili asiale wakosele.
3. Bantu bapuseene siani ni banama?
Yehova lwaapuile kubumba kyalo, waabumbilepo bibumbua bili ni bukose. Kisia kubumba kyalo waabumbile bimuti, bikusi ni banama. Kupuako, “Leeza waabumbile muntu mu kipalo kyakue.” (Some Kutendeka 1:27.) Juu ya ki bantu bapuseene saana ni banama? Paantu twaabumbilue mu kipalo kyakue ao kwa mufuano wakue Leeza, tuli ni buviinde bwa kulangilila mibeele yakue nga evelia, ntono ni nsaambu. Kabili waatubumbile twali ni buviinde bwa kumana kulanda ndimi inge, kutasia, kupapa bintu biweeme ni kusekelela muziki. Kabili kupusana ni banama, tuli ni buviinde bwa kumubombela Kabumba weetu ni kukita bukibuza pamo nakue.
TUKEBE SAANA
Tumone bintu bisininkiziizie nangue bukose bwaabumbilue kabili nangue mpunda ili mu Bibilia elia ilandile nangue bintu byaabumbilue, bipateene ni maano. Tumane mibeele iweeme ili na bantu viili yatusambilizia palwakue Leeza.
4. Bukose bwaabumbilue
Bantu bali batasiiwa saana juu ya bintu bibali bakita bakopea ku bintu byaabumbilue. Ale, kansi naani apalile kutasiiwa paantu waakitile keelia kili kya kopeewako? Mone VIIDEO, kisia, londoluele keeki kiipuzio.
-
Bantu bali batengenezia bintu, bali bakopea ki ku bintu byaabumbilue?
Kila nghanda ao nsesi ili yakuulua na muntu. Inzi, ale naani waabumbile ao waakitile bintu byonse? Some Baebrania 3:4, (NWT), kisia, londoluele beebi biipuzio:
-
Ni kiki kili kya kupapia mu bintu byaabumbilue?
-
Eba, kilisie buino kuzumina nangue bintu bili mu muulu ni pa kyalo byabumbilue? Juu ya ki?
Eba, wakiba wamanine?
Mu jw.org, mu seemu ilandile “Eba, Keeki Kintu Kyaikitilesie Kiine?” ni “Bantu bange bali balanda nangue bukose bwaatendekele siani?” kunti wapatamo maasi ni ma viideo alandiile palua kubumbua kwa bukose.
“Kulanda kisinka, kila nsesi ili yakuulua na muntu, inzi Leeza i waakitile bintu byonse”
5. Beelia bili byalanda Bibilia juu ya kubumbua kwa bintu, ni bya kisinka
Mu kitabu kya Kutendeka katue ka 1, Bibilia ili yalanda kwafumine kyalo ni bukose bonse bulipo. Eba, ni weewe kunti waitabizia nangue ezio mpunda ni ya kisinka ao ni ya kwitungilasie? Mone VIIDEO, kisia, londoluele beebi biipuzio.
-
Elia nsiku sita ili yalanda Bibilia nangue i yaabumbilwemo kyalo ni bintu byonse bili ni bukose, eba, ni nsiku ya nsa 24?
-
Eba, watontonkania nangue beelia bili byalanda Bibilia nangue bintu byaabumbilue ni bya kisinka kabili bipateene ni maano? Juu ya ki walanda evio?
Some Kutendeka 1:1, Kisia londoluele keeki kiipuzio:
-
Bantu basambiliile sayansi bali balanda nangue kyalo kili ni ntendeko. Beelia bibali balanda, bipateene siani ni beebi biwasoma mu Bibilia?
Bantu bange bali batontonkania nangue Leeza waabumbile kintu kimo kili ni bukose, kisia keekio kintu kyaatendekele kwialulula bintu binge. Some Kutendeka 1:21, 25, 27, kisia londoluele beebi biipuzio:
-
Eba, Bibilia ili yasambilizia nangue Leeza waabumbile kintu kili ni bukose kisia waakilekeleele kiine kyaialulula masabi, tooni, banama ni bantu? Ao ili yaasambilizia nangue Leeza waabumbile bintu byonse mu “misango” yapusene-puseene? b
6. Leeza waabumbile bantu bapuseene ni bibumbua binge
Yehova waatubumbile twapuseene ni banama. Some Kutendeka 1:26, kisia londoluele keeki kiipuzio:
-
Twaabumbilue kwa mufuano wakue Leeza twali ni buviinde bwa kulangilila ntono ni nkumbu. Bobo buviinde bwalangilila nangue Leeza ali ni mibeele ki?
BANGE BALI BALANDA: “Maasi ali mu Bibilia alandile nangue bintu byaabumbilue, ni a kwitungilasie.”
-
Weewe watontonkania siani? Juu ya ki?
MU KIFUPI
Yehova waabumbile kyalo ni bintu byonse bili ni bukose bilipo.
Kunti waasuka siani?
-
Bibilia ili yalanda nangue kyalo kyaafumine pi?
-
Eba, Leeza waakitile kintu kimo kili ni bukose kisia wakilekeele kiine kyaialulula mu misango paleepale ao waabumbile bintu byonse?
-
Juu ya ki bantu bebeleele saana?
MANAKO NI BINGE
Mona mifuano ya bintu byaabumbilue ilangiliile nangue kuli ni Kabumba.
“Eba, Bintu Bili mu Muulu ni pa Kyalo Byatusambilizia ki?” (Buuke!, ya Muezi wa 09, 2006)
Mona baba umo vyali mukumubuila mwana wakue mwalalume mpunda ili mu Bibilia ilandiile palua kubumbua kwa bintu.
Mona maasi ali alanda nangue bintu byaalukileko kupitila kwialulula kine apateene ni Bibilia.
Mona bikuza bya kale ao bufuundi bwa bantu basambiliile sayansi kine bulangiliile nangue bintu byaabumbilue ao byaalukilekosie mu kutulumukila.
Biipuzio Bisaano bya Mana Bili Byaipuziiwa—Palua Nsulo ya Bukose (broshua)
a Mu lisomo lya 25 twakamona mipaango yakue Leeza palua bantu.
b Mu Bibilia, mulandu “musango” ulangiliile kikundi kikata kya bintu bikosele.
