LISOMO LYA 13
Ma Diini a Bufi Ali Atwala Siani Bantu Kule ni Leeza?
Kine Leeza ni ntono, juu ya ki kuli bintu bingi bibiipile bili mukukitua na ma diini a bufi ali ailanda nangue ali amubombela Leeza? Mu kifupi, azo ma diini ni a bufi. Beelia bibali balanda ni kukita bili byalengia bantu bazumine bufi palwakue Leeza. Bali balengia siani bantu baye kule ni Leeza? Leeza ali waiunvua siani palua bebio bintu? Kabili, azo ma diini wakaba kuakita siani?
1. Ma diini a bufi ali abatwala siani bantu kule ni Leeza kupitila masambilizio abo?
Ma diini a bufi ‘akeene kisinka kyakue Leeza ni kwitabizia bufi.’ (Baroma 1:25) Kwa mufuano, ma diini engi teezi kusambilizia bantu liina lyakue Leeza. Anzia evio, Bibilia ili yalanda nangue liina lyakue Leeza lipalile kubombiiwa. (Baroma 10:13, 14) Bantunguluzi bange ba ma diini bali balanda nangue musita kintu kibiipile lukili kyakitika, ni kutona kwakue Leeza. Inzi bobo ni bufi. Te Leeza ata kaniini ali waleeta bintu bibiipile. (Some Yakobo 1:13.) Kintu kikilile kubiipa, ma diini ali alengia bantu bamone kyakolele kumutona Leeza.
2. Ma diini a bufi ali atwala siani bantu kule ni Leeza kupitila bikitua byabo?
Ma diini a bufi teezi kubakitila bantu nga evelia Yehova vyali wabakitila. Bibilia ili yalanda nangue: ‘Bibalo ao mazaambi abo afikile mpaka mwiulu.’ (Nfyulo 18:5) Mu miaka ingi yakipita, ma diini ali mukwiingizia mu bintu bya politike ni kukwasia vita. Kabili ali mukulengia ao kwitabizia bantu bengi saana bafue. Bantunguluzi bange ba ma diini, bali batonesia buikazi buwamiisie ao kutonesia kunoonka. Kabili bali baloomba nfalanga ku bazumizi naabo. Bebio bintu bibali bakita, byalangilila nangue ni Leeza muine te bamumanine. Kabili kukila pakaako, te bali na nsaambu ya kuya bailanda nangue batuminue na Leeza.—Some 1 Yoane 4:8.
3. Leeza ali waiunvua siani palua ma diini a bufi?
Kine bintu bili byakitua na ma diini a bufi bili byakulengia ufiitue, watontonkania nangue Yehova ali waiunvua siani? Bantunguluzi ba ma diini bali bailanda nangue beene ni bakenzi ao batuminue na Leeza, inzi bali bamubepela kabili bali babakitila bazumizi naabo bintu bibiipile. Pakaako Yehova onvuile saana kipuki juu yabo. Walaya nangue wakaba kwinoona ma diini onse a bufi, ni ‘bantu te bakikaamona kabili.’ (Nfyulo 18:21) Leenusie, Leeza wakaba kwinoona ma diini onse a bufi.—Nfyulo 18:8.
TUKEBE SAANA
Tumone bintu bingi bilangiliile Leeza vyali waiunvua palua ma diini a bufi. Tumane bingi palua beelia bili mukukita azo ma diini, inzi kabili, tumane juu ya ki keekio te kipalile kukulengia ulekele kutwalilila kumumana Yehova.
4. Te ma diini onse etabiilue na Leeza
Bantu bengi bazumiine nangue, ma diini ali nga mazila apusene-puseene inzi, onse kuya atwala bantu kuli Leeza. Eba, keekio ni kisinka? Some Mateo 7:13, 14, kisia londoluele keeki kiipuzio:
-
Bibilia ili yalanda siani palua nzila ili yatuala bantu ku bukose?
Mone VIIDEO, kisia londoluele keeki kiipuzio.
-
Eba, Bibilia ili yalanda nangue kuli ma diini engi ali amusaansamusia Leeza?
5. Ma diini a bufi teezi kulangilila ntono yakue Leeza
Ma diini ali mukulangilila nangue te atuminue na Leeza mu bintu bingi. Kwa mufuano amanikile saana juu ali aiingizia mu vita. Eevi mumone mufuano umo, mone VIIDEO. Kisia, londoluele beebi biipuzio.
-
Makanisa engi aakitile ki musita wa Vita ya Bubili ya Kyalo?
-
Weewe waiunvua siani palua bebio bintu bibaakitile?
Some Yoane 13:34, 35 ni 17:16. Kisia londoluele beebi biipuzio:
-
Weewe watontonkania nangue Yehova ali waiunvua siani musita azo ma diini luali aiingizia mu vita?
-
Ma diini a bufi i alengiizie bintu bingi bibiipile biye byakitika. Ni mu nzila ki iumwene ma diini ali mukwandua kulangilila ntono yakue Leeza?
Ma diini a bufi teezi kulangilila ntono yakue Leeza
6. Leeza atonene kubakwasia bantu bafume mu ma diini a bufi
Some Nfyulo 18:4, a kisia londoluele keeki kiipuzio:
-
Weewe waiunvua siani kumana nangue Leeza atonene kukwasia kila muntu olia ali mukuzeziiwa na ma diini a bufi?
7. Twalilila kusambilila palwakue Leeza wa kisinka
Bintu bili byalanda ni kukita ma diini a bufi, bili byakulengia umumone siani Leeza? Tontonkania, muana umo wakaana kukindika masoke a mulangue abamupeela kuli baba wakue. Wafuma ku nsesi ni kutendeka kukita bintu bibiipile mu buikazi bwakue. Baba tatonene bintu byakita muana wakue. Juu ya ki te ipalile kumupingula ovio ozo baba juu ya muana wakyaluka ntombosi ni kufuma ku nsesi?
-
Eba, kilisie buino kumupingula ovio Yehova ni kulekela kusambilila palwakue juu ya bintu bili mukukitua na ma diini a bufi?
BANGE BALI BALANDA: “Makanisa onse alisie buino—kabili onse ali amupupasie Leeza umo.”
-
Eba, ni weewe umwene evio?
-
Anzia kine ma diini engi ali alanda nangue onse ali amupupa Leeza, juu ya ki te onse etabiilue na Leeza?
MU KIFUPI
Ma diini ali alangilila nangue te atuminue na Leeza kupitila masambilizio a bufi ni bintu bibiipile bibali bakita. Leeza wakaba kwinoona diini ya bufi.
Kunti waasuka siani?
-
Weewe uli waiunvua siani palua beelia bili byasambilizia ma diini a bufi ni beelia bibali bakita?
-
Yehova ali waiunvua siani palua ma diini a bufi?
-
Leeza wakaba kuakita siani ma diini a bufi?
MANAKO NI BINGE
Mona bintu bibili bisiizi kutona Leeza bili byakita ma diini engi.
Juu ya ki Yehova atonene tuye twamupupa twali pamo ni bantu bange?
“Eba, Iloombele Mpaka Muntu Aye Wali mu Diini Kampanda?” (Lyasi lili mu Kitente kya Enternete)
Padri umo, waali waemiiwa na diini yakue. Inzi, ezio aali te yamulengiizie alekele kusambilila kisinka palwakue Leeza.
“Padri umo Waalekeele Kuya ku Kanisa Kakue” (Buuke!, ya Muezi wa 02, 2015)
Ma diini akokola ali mukubeepa juu yakue Leeza, ni keekio kyalengia bantu bamone nangue Leeza teezi kutwemena kabili asasile. Mana kisinka palua bufi butatu.
a Eevi umane juu ya ki tumanine nangue mwanakazi olia ali wakuutua Babiloni Mukulu apalaniizie ma diini a bufi, mona Bulondolozi Bunge bwa 1.
