LISOMO LYA 14
Diini Yeetu Kunti Yamusaansamusia Siani Leeza?
Nga vitwakimona mu lisomo lyakipita, te ma diini onse ali amusaansamusia Leeza. Anzia evio, kunti twamupupa Kabumba weetu mu nzila elia ili kumusaansamusia. Ni “lupupo ki [ao diini]” ya siani ili yamusaansamusia Leeza? (Yakobo 1:27, NWT, bulondolozi bwa pensina) Mona Bibilia viili yasambilizia.
1. Lupupo lwetu lupalile kuya lwaimaniine pa ki?
Lupupo lwetu lupalile kuya lwaimaniine pa Bibilia. Yesu waamulandile eevi Leeza: “Keebo ao mulandu obe i kiine.” (Yoane 17:17) Ma diini ange ali apuulula kisinka kili mu Bibilia, Mulandu Wakue Leeza utungulwilue na mupasi. Pali pa kusambilizia bili mu Bibilia, ali asambilizia masambilizio a bantu ni bisilano ao tubeelela twa bikolue bya kale. Inzi Yehova teezi kutona baalia bali ‘bakaana mafunde akue Leeza.’ (Some Marko 7:9.) Kangeko, tuli twasaansamusia mutima wakue Leeza kine lupupo lwetu lwimaniine pa Bibilia, kabili kine twakoonka mafunde alimo.
2. Tupalile kumupupa siani Yehova?
Tupalile kumupupasie Yehova bunke paantu weene i Kabumba weetu. (Nfyulo 4:11) I kulanda nangue tupalile kumutona ni kumupupa weenesie bunke, bila kubombia mukisi.—Some Isaya 42:8.
Lupupo lwetu lupalile kuya lwaali ‘lutakatiifu kabili lwaitabiilue’ kuli Yehova. (Baroma 12:1, NWT) I kulanda nangue tupalile kuya twaikeele twakoonkele mizilo yakue mu buikazi bwetu. Kwa mufuano, baalia bamutonene Yehova bali basekelela ni kukoonka mafunde akue alandiile palua kyupo. Kabili bali batiina mibeele ibiipile, nga evelia kupeepa fwanka, lufua ao libange, ni kutiina kubombia mu nzila isipalile miti ili yakolana ao bualua. a
3. Juu ya ki tupalile kumupupa Yehova pamo ni bazumizi neetu?
Kulonghaana kwetu kutuli twakita kila mulungu, kuli kwatupeela lisyuko lya ‘kumulumbania ao kumutasia Yehova . . . mu kilonghaano.’ (Malumbo 111:1, 2) Nzila imo ili yatukwasia kukita evio ni kupitila nghimbo ya kumulumbania Leeza. (Some Malumbo 104:33.) Yehova ali watulanda tuye twaya ku kulonghaana paantu atutonene. Kabili amanine nangue kulonghaana kwakaba kutukwasia tukabe kusekelela buikazi loonse. Lutuli twaya ku kulonghaana, tuli twabakoselezia bange ni beene bali batukoselezia.
TUKEBE SAANA
Tumone juu ya ki Yehova teezi kwitabizia kubombia mikisi mu lupupo. Tumone bintu bya mana bitupalile kukita eevi tumulumbanie Leeza.
4. Te tupalile kubombia mikisi mu lupupo lwetu
Twamana siani nangue kubombia mikisi te kuviinda kumusaansamusia Leeza? Mone VIIDEO, kisia londoluele keeki kiipuzio.
-
Ni kiki kyaakitikile musita bantu bamo pakati ka bantu bakue Leeza ba musita wa kale lubaabombiizie mukisi eevi bamupupe Leeza?
Bantu bange bali baiunvua kuya bali peepi ni Leeza lubali babombia mikisi mu lupupo lwabo. Inzi, eba, te umwene nangue kukita evio kuli kulengia kakiine muntu aye kule ni Leeza? Some Kufuma 20:4-6 ni Malumbo 106:35, 36, kisia londoluele beebi biipuzio:
-
Ni bintu ki ao mikisi ya siani iuli wamona bantu babombia mu lupupo lwabo?
-
Yehova ali waiunvua siani palua kubombia mikisi?
-
Weewe uli waiunvua siani palua kubombia mikisi?
5. Kumupupasie Yehova bunke kuli kwatufumia mu malanga ao mawazo apuseene ni Bibilia
Tumone kumupupasie Yehova bunke vikuli kwatufumia mu malanga apuseene ni Bibilia. Mone VIIDEO.
Some Malumbo 91:14, kisia londoluele keeki kiipuzio:
-
Yehova alaile nangue wakaba kutukitila ki kine twalangilila nangue tumutonene kupitila kumupupa weenesie bunke?
6. Tuli twamupupa Leeza ku kulonghaana kwa mu kilonghaano
Tuli twamulumbania Yehova ni kutekiana mutima kupitila nghimbo ni kuleeta byasuko musita wa kulonghaana. Some Malumbo 22:22, kisia londoluele beebi biipuzio:
-
Eba, uli wasaansamuka luuli waunvua bantu baasukapo ku kulonghaana?
-
Eba, kunti watona kuteania kyasuko eevi ukabe kwasukapo?
7. Yehova ali watona musita utuli twababuilako bange beelia bituli twasambilila
Fwe bonse, tuli ni fuasi ingi ya kubuilako bantu bange palua beelia bituli twasambilila mu Bibilia. Some Malumbo 9:1 ni 34:1, kisia londoluele keeki kiipuzio:
-
Ni kintu ki kiwakisambilila mu Bibilia kiuli kutona kumubuilako muntu umo eevi?
BANGE BALI BALANDA: “Leeza ali wakenta ku mutima, pakaako kunti twamusaansamusia anzia kine twamupupa mu nzila ki.”
-
Ale weewe uli watontonkania siani?
MU KIFUPI
Tuli twamusaansamusia Kabumba weetu musita lutuli twamupupa weenesie bunke, lutuli twamulumbania ao twamutasia ku kulonghaana kwa mu kilonghaano, ni lutuli twababuilako bange palua beelia bitwakisambilila.
Kunti waasuka siani?
-
Tuli twamana ku pi vya kumupupa Leeza nga vyali watona?
-
Juu ya ki tupalile kumupupasie Yehova bunke?
-
Juu ya ki tupalile kumupupa Leeza twali pamo ni bange batonene kumusaansamusia?
MANAKO NI BINGE
Mu eezi mpunda palua buikazi ilandile “Loonu Nsikili Muzia wa Mikisi,” soma umone mwanakazi umo vyaafumine mu buzia bwa kupupa mikisi.
“Bibilia Ili Yaalulula Buikazi bwa Bantu” (Lupungu Lwakue Kamwenenena, lwa 01/07/2011)
Mona vya kukita eevi ukabe kwasukapo ku kulonghaana kwa mu kilonghaano.
“Mulumbanie Yehova mu Kilonghaano” (Lupungu Lwakue Kamwenenena, lwa Muezi wa 01, 2019)
Mona mulumendo umo vyaakwasiiziwe na kulonghaana kwa mu kilonghaano anzia kine kyaali kyakolele kuli weene kuyako.
Bantu bengi bazumiine nangue musalaba ulangiliile Bukristu. Inzi, eba, upalile kubombiiwa mu lupupo lwetu?
a Beebi bintu byakaba kulondoluelua mu masomo akoonkelepo.
