LISOMO LYA 18

Bakristu ba Kisinka Kubenikila ku ki?

PLAY

Mwaya kyalo, ma milioni engi saana a bantu bali bailanda nangue ni Bakristu. Inzi te beezi kuya bazumiine bintu bimo, kabili aosie mu buikazi bwabo te beezi kuya bakoonkele mafunde amo. Ale kunti twainika siani Bakristu ba kisinka?

1. Mukristu naani?

Basambi ao baalia bamukoonkele Yesu Kristu, i Bakristu. (Some Miilo ya Batumua 11:26.) Bali bakita ki eevi kulangilila nangue beene ni basambi bakue Yesu? Yesu waalandile eevi: “Kine muli kuya mwanakila twebo twane, muli kuya mwali basambi bane ba kiine.” (Yoane 8:31) I kulanda nangue Bakristu ba kisinka bapalile kunakila masambilizio akue Yesu. Lyonse Yesu waali wasambilizia beelia bili byalanda Bibilia. Ni Bakristu baalia bamukoonkele weene, kakiine bali bakita enka evio.—Some Luka 24:27.

2. Bakristu ba kisinka bali balangililana siani ntono?

Yesu waabalandile eevi basambi bakue: “Tonane nga vimitonene.” (Yoane 15:12) Yesu waakitile ki eevi kulangilila nangue abatonene basambi bakue? Waali wapisia musita pamo naabo, waali wabakoselezia, kabili waali wabakwasia. Waafikiile mpaka wafumia ni bukose bwakue juu yabo. (1 Yoane 3:16) Ni Bakristu ba kisinka te beezi kulandasie nangue bali ni ntono. Bali balangilila nangue batoneene kupitila milandu yabo ni bintu bibali bakita.

3. Bakristu ba kisinka bali babomba miilo ki?

Yesu waabapeele miilo basambi bakue. “Waabatumine kuya kusimikila Bukolo bwakue Leeza.” (Luka 9:2) Bakristu ba ku ntendeko, te baali basimikilasie mu fuasi mu babanga balonghaanina, inzi baali basimikila ni mu fuasi mubanga mwasaangua bantu bengi kabili ni ku masesi a bantu. (Some Miilo ya Batumua 5:42; 17:17.) Ni leenu, baalia bamukoonkele Kristu kakiine, bali basimikila kisinka kili mu Bibilia fuasi yonse kuli kwasaangua bantu. Batonene bantu bange. Kukita evio i kuli kwalengia babombie musita ni maka abo bali ni nsaansa eevi basimikile mpunda ili mu Bibilia ili yaleeta kiswapilo ni kukoselezia.—Marko 12:31.

TUKEBE SAANA

Tumone vituli kuviinda kupusania baalia bamukoonkele Kristu kakiine, ni bantu basiizi kukoonka masambilizio ni mufuano wakue Yesu.

4. Bali bakeba kisinka kili mu Bibilia

Bakristu ba ku ntendeko baali bamwene nangue Mulandu Wakue Leeza ni wa mana

Te bonse bali bailanda nangue ni Bakristu bamwene nangue ni kintu kya mana kubombia kisinka kili mu Bibilia. Mone VIIDEO, kisia londoluele keeki kiipuzio.

VIIDEO: Bukristu Vibwainoonekele (5:11)

Makanisa paleepale alia ali aikuuta nangue ni a Kikristu andilue siani kusambilizia beelia byaasambiliziizie Yesu?

Yesu waasambiliziizie kisinka kili mu Mulandu Wakue Leeza. Some Yoane 18:37, kisia londoluele keeki kiipuzio:

Nga vyaalandile Yesu, kunti twainika siani Bakristu baalia bali “mu kisinka”?

5. Bali basimikila kisinka kili mu Bibilia

baali babasimikila bantu bange

Ntaanzi Yesu abuele ku muulu, waabapeele basambi bakue miilo ya kukita elia itwaliliile mpaka leenu. Some Mateo 28:19, 20, (NWT), ni Miilo ya Batumua 1:8, (NWT), kisia londoluele keeki kiipuzio:

Miilo ya kusimikila ipalile kufika mpaka ku pi?

6. Bali bakita beelia bibali basimikila

Ni kiki kyaamukwasiizie mwalalume umo ali wakuutua Tom enike nangue waapatile baalia bamukoonkele Kristu kakiine? Mone VIIDEO, kisia londoluele beebi biipuzio.

VIIDEO: Diini Yaantionene Mutima (5:20)

Mu eezi viideo, ni kiki kyaamulengiizie Tom alekele diini?
Juu ya ki asininkiziizie nangue waapatile kisinka?

Beelia bituli twakita, i bya mana saana kuliko beelia bituli twalanda. Some Mateo 7:21, kisia londoluele keeki kiipuzio:

Ni kiki kya mana saana kuli Yesu, eba, ni beelia bituli twalanda nangue tuzumiine ao ni beelia bituli twalangilila kupitila bintu bituli twakita?

7. Batoneene

kabili baali batoneene

Eba, baalia bamukoonkele Kristu kakiine, bali babiika bukose bwabo mu buavia juu ya Bakristu benaabo? Mone VIIDEO, kisia londoluele beebi biipuzio.

VIIDEO: Waipeele Eevi Bamwipaye (2:55)

Mu eezi viideo, ni kiki kyaamulengiizie Lupua Lloyd Likhwide abiike bukose bwakue mu buavia juu yakue Lupua Jack Johansson?
Eba, wamona nangue ozu lupua, waakitile nga evelia vipalile kukita Mukristu wa kisinka?

Some Yoane 13:34, 35, kisia londoluele beebi biipuzio:

Basambi bakue Yesu (Bakristu ba kisinka) bapalile kubakitila siani bantu ba rangi inge ya mpapa ao ba ntundu inge?
Kunti babakitila siani evio musita wa vita?

BANGE BALI BALANDA: “Bakristu bonse bali bamupupasie Leeza umo, anzia kine bali baya mu kanisa ki.”

Kunti wasoma lileembo ki eevi ulangilile nangue Bakristu ba kisinka bebeleele?

MU KIFUPI

Bakristu ba kisinka bali bakoonka beelia bili byasambilizia Bibilia, bali balangililana ntono ya kwipeela, kabili bali basimikila kisinka kili mu Bibilia.

Kunti waasuka siani?

Bintu bizumiine Bakristu ba kisinka bimaniine pa ki?
Ni mibeele ki ili yakwasia kwinika Bakristu ba kisinka?
Bakristu ba kisinka bali bakita miilo ki?

Leeli lisomo twalipua pa nsiku:

Ezianke kukita eevi

Kine kyakitika, ukabe kwendela ku musambo wa Bakasininkizia Bakue Yehova uli peepi ni kwenu.

Paangako ni kange:

Mupaango obe unge

MANAKO NI BINGE

Mana bingi palua kikundi kimo kili kyakita maka akue onse eevi kukoonka mufuano wakue Yesu ni bintu byaasambiliziizie.

Bakasininkizia Bakue Yehova—Tuli Baani? (1:13)

Mona keelia kyaamulengiizie mwanakazi umo abanga wali sere ao bikira apate “lupua lwa kisinka lwa kimupasi.”

“Baabombiizie Bibilia Eevi Kwasuka Biipuzio Byane Byonse!” (Lupungu Lwakue Kamwenenena, lwa 01/04/2014)

Mona Bakristu ba kisinka vibali balangilila ntono ku bazumizi naabo baalia bakabiile kukwasiiwa.

Kubakwasia Balupua Beetu Musita wa Maavia—Seemu (3:57)

Mona Bakristu ba ku ntendeko ni Bakristu ba enu nsiku vibalangiliile buino mufuano wa beelia byaalandile Yesu nangue bili kukwasia kwinika basambi bakue.

“Ni Bintu ki bya Kwinikilako Bakristu ba Kisinka?” (Lupungu Lwakue Kamwenenena, lwa 01/03/2012)