LISOMO LYA 19
Eba, Bakasininkizia Bakue Yehova Ni Bakristu ba Kisinka?
Fwefue Bakasininkizia Bakue Yehova, tuzumiine nangue tuli Bakristu ba kisinka. Juu ya ki? Bintu bituzumiine bimaniine pa ki? Juu ya ki tuli twaikuuta Bakasininkizia Bakue Yehova? Tuli twalangilila siani nangue tutoneene?
1. Bintu bizumiine Bakasininkizia Bakue Yehova bimaniine pa ki?
Yesu waalandile eevi: “Keebo ao Mulandu [wakue Leeza] i kiine.” (Yoane 17:17) Nga Yesu, Bakasininkizia Bakue Yehova, lyonse bintu bibazumiine bimaniine pa Mulandu Wakue Leeza. Kwa mufuano, mona istoria ya Bakasininkizia Bakue Yehova, baalia baali bamanikile miaka yapitile mu liina lya Basambi ba Bibilia. Mu muaka wa 1870 eevi, kikundi kya Basambi ba Bibilia kyaatendekele kutoosia Bibilia kyapoozeleko ni maano, eevi kimane beelia bili byasambilizia Bibilia kakiine. Bintu bibaali bazumiine, byaali byaimaniine pa beelia byaali byalanda Bibilia, anzia kine byaali byapuseene ni masambilizio a makanisa ange. Kupuako, baatendekele kusimikilako bange bisinka beelia bibaali basambilila mu Bibilia. a
2. Juu ya ki tuli twaikuuta Bakasininkizia Bakue Yehova?
Yehova ali wakuuta baalia bali bamupupa nangue ni Bakasininkizia bakue paantu, bali balanda kisinka palwakue. (Baebrania 11:4–12:1) Kwa mufuano, musita wa kale, Leeza waabalandile eevi bantu bakue: “Muli bakasininkizia bane.” (Some Isaya 43:10.) Yesu ali wakuutua ‘Musininkizi wa Kisinka.’ (Nfyulo 1:5) Pakaako, mu 1931 twasaakuile kukuutua mu liina lya Bakasininkizia Bakue Yehova. Tuli ni nsaansa ya kuya twatweme leelio liina.
3. Bakasininkizia Bakue Yehova bakoonkele mu nzila ki ntono yakue Yesu?
Yesu abanga wabatonene saana basambi bakue, babanga balisie kusia lupua lwakue. (Some Marko 3:35, NWT.) Bakasininkizia Bakue Yehova ni beene, bali ni buumo, lupua lwa kyalo kyonse. I kili kyalengia tuye twakuutana lupua ni nkazi. (Filemoni 1, 2, NWT) Kabili tuli twakindika muzilo ulandile eevi: “Onse amutonene Leeza amutone ni muinakue.” (1 Yoane 4:21) Fwefue Bakasininkizia Bakue Yehova, tuli twalangilila ntono mu nzila ingi, nga evelia, kukwasia bazumizi neetu bakabiile kukwasiiwa mu kyalo kyonse.
TUKEBE SAANA
Tumane bingi palua istoria ya Bakasininkizia Bakue Yehova, kabili mona bintu bisininkiziizie nangue tuli Bakristu ba kisinka.
Beelia bizumiine Bakristu ba kisinka, bimaniine pa Bibilia kabili bali bababuilako bange beelia bibazumiine
4. Bintu bituzumiine bimaniine pa Bibilia
Yehova waalandile ntaanzi nangue kisinka kili mu Bibilia kyakakila kunvuika. Some Danieli 12:4 ni bulondolozi bwa pensina, kisia londoluele keeki kiipuzio:
-
Ni kiki kyaalandilue nangue “kyakavula” pa bantu bakue Leeza juu ya kutwalilila kusambilila Bibilia bapoozeleko maano?
Mona kikundi kya basambi ba Bibilia, kubiika pamo ni Charles Russell, vibabanga basambilila Mulandu Wakue Leeza. Mone VIIDEO, kisia londoluele keeki kiipuzio.
-
Mu eezi viideo, Charles Russell pamo ni Basambi ba Bibilia benakue, baali basambilila siani Bibilia?
Eba, wakiba wamanine?
Musita unge, tuli twaolola bintu binge bituzumiine. Juu ya ki? Nga evelia koba kali katula vikali kafiikula bukebuke tuzonga twa mpili, Leeza ni weene ali wakwasia kunvua Mulandu wakue mukupita kwa nsiku. (Some Tuswalo ni Mafunde 4:18.) Pakaako, anzia kine Bibilia teizi kwaluluka, tuli twaolola bintu bituzumiine musita kunvua kwetu kwa Bibilia lukuli kwakila kuwaama.
5. Twikeele kukoonkana ni liina lyetu
Juu ya ki twaasaakuile kukuutua mu liina lya Bakasininkizia Bakue Yehova? Mone VIIDEO, kisia londoluele keeki kiipuzio.
-
Juu ya ki liina Bakasininkizia Bakue Yehova lipalile?
Juu ya ki Yehova waasaakuile bantu eevi baye bali bakasininkizia bakue? Paantu bali balanda kisinka palwakue Yehova, Leeza wa kisinka, olia ali wasikililua bintu bingi bya bufi. Mona bufi bubili sie buli pakati ka bobo bufi.
Ma diini ange ali asambilizia nangue Leeza ali watona kubombia mikisi mu lupupo lwabo. Some Balawi 26:1, kisia londoluele beebi biipuzio:
-
Mu leeli lileembo, Bibilia yalanda siani? Yehova ali waiunvua siani palua kubombia mikisi?
Bantunguluzi bange ba ma diini bali basambilizia nangue Yesu i wenka Leeza. Eba, keekio ni kisinka? Some Yoane 20:17, kisia londoluele beebi biipuzio:
-
Kukoonkana ni leeli lileembo, eba, Leeza ni Yesu muntu sie umo?
-
Kumana nangue Yehova waatumine bantu eevi basimikile kisinka palwakue ni palua Muana wakue, kwakulengia wiunvue siani?
6. Tutoneene
Bibilia ili yapalania Bakristu ni seemu paleepale ya mubili wa muntu. Some 1 Bakorinto 12:25, 26, kisia londoluele beebi biipuzio:
-
Bakristu ba kisinka bapalile kukita ki musita Bakristu bange lubali mu maavia?
-
Weewe, uli wamona siani palua kutonana kuli pakati ka Bakasininkizia Bakue Yehova?
Musita Bakasininkizia Bakue Yehova bali mu seemu inge ya kyalo lubali baaluka mu maavia, Bakasininkizia benaabo bali babakwasia bila kukokola. Eevi mumone mufuano umo, mone VIIDEO. Kisia londoluele keeki kiipuzio.
-
Bakasininkizia Bakue Yehova bali baikwinda siani eevi kulangililana ntono ya kisinka musita wa masaanzo?
Bakristu ba kisinka bali balangilila ntono ku bantu bonse bakebele kukwasiiwa
BANGE BALI BALANDA: “Bakasininkizia Bakue Yehova ni diini yakitendekasie leenu.”
-
Yehova ali wabakuuta baalia bali bamupupa nangue bakasininkizia, ntangia lwa pi?
MU KIFUPI
Bakasininkizia Bakue Yehova ni Bakristu ba kisinka. Tuli lupua lumo lwa kyalo kyonse lwa bantu bali bamupupa, ni beelia bituzumiine bimaniine pa Bibilia kabili tuli twababuilako bange kisinka palwakue Yehova.
Kunti waasuka siani?
-
Juu ya ki twaasaakuile kukuutua mu liina lya Bakasininkizia Bakue Yehova?
-
Tuli twakitilana siani umo ni mwinakue?
-
Eba, watontonkania nangue Bakasininkizia Bakue Yehova ni Bakristu ba kisinka?
MANAKO NI BINGE
Mana bingi palua istoria yeetu.
Bakasininkizia Bakue Yehova—Kiketekelo Kili Kyabomba, Seemu ya 1: Kufuma mu Kafinzi (1:00:53)
Mona mufuano ulangiliile Bakasininkizia Bakue Yehova vibaakitile eevi kufiikula masambilizio a bufi.
Paange uli waiipuzia ni biipuzio palua Bakasininkizia Bakue Yehova. Mona byasuko.
“Biipuzio Bili Byaipuziiwa Lingi Palua Bakasininkizia Bakue Yehova” (Seemu ili mu jw.org)
Stephen abanga wabasuulile bantu ba mpapa inge kabili abanga wabakita ovio. Mona keelia kyamukwasiizie.
“Buikazi Bwane Bubanga Bwakilasie Kubiipa” (Lupungu Lwakue Kamwenenena, lwa 01/07/2015)
a Kutendekela mu 1879 mpaka loonu, bantu bakue Yehova bali mukufumia kazeeti ka Lupungu Lwakue Kamwenenena, kali kalondolola kisinka kili mu Bibilia.
