LISOMO LYA 27
Lufu Lwakue Yesu Kunti Lwatupususia Siani?
Tuli twakita lizaambi, twaema, ni kufua paantu ba Adamu ni Eva, ba mulume ni mukazi ba kuanza, te baamunakiile Leeza. a Inzi, fwefue tuli ni kiswapilo. Yehova waamutumine Muana wakue, Yesu Kristu, paanu pa kyalo eze atufuile eevi tufumiiwe mu lizaambi ni lufu. Bibilia ili yasambilizia nangue kupitila lufu lwakue, Yesu waafumiizie kilubula mulandu. Kilubula mulandu ni kintu kili kyalipua eevi kumukombola muntu kampanda. Kintu kyaalipile Yesu, kibanga kyali mutengo wa bukose bwakue bwa pa kyalo bupuililikile. (Some Mateo 20:28.) Paantu Yesu waavyelue wali muntu apuililikile, waali ni nsaambu ya kwikala loonse pa kyalo. Inzi waipeele mukwitonena kutufuila eevi tupate kabili keelia kyaazeeziizie ba Adamu ni Eva. Yesu waalangiliile kabili nangue weene pamo ni Yehova, batutonene saana. Leeli lisomo, lili kukukwasia ukile kutasia paantu Yesu waatufuiliile.
1. Lufu lwakue Yesu kunti lwatukwasia siani leenu?
Paantu tuli ba mazaambi, tuli twakita bintu bingi bisiizi kumusaansamusia Yehova. Inzi, kunti twaaluka ni bukibuza bwa peepi pamo ni Yehova kine twalapila kakiine mazaambi etu, ni kumuloomba Yehova atweleele kupitila muli Yesu Kristu, kabili kine twakita maka etu onse eevi te kunti tubweluluke mu bilubo byenka beelia. (1 Yoane 2:1) Bibilia ili yalanda eevi: “Kristu waafuile pa mulandu wa bibalo ao mazaambi a bonse, muntu aweeme kufuila bantu ba bibalo, eevi amitwale kuli Leeza.”—1 Petro 3:18.
2. Lufu lwakue Yesu, lwakaba kulengia tukabe kupata ki musita uli waiza?
Yehova waamutumine Yesu eze afumie bukose bwakue bupuililikile “eevi kubalua muntu wamuketekela [Yesu] te kuti azeeze, inzi aye wali ni bukose bwa muyayaya.” (Yoane 3:16) Kupitila keelia kyaakitile Yesu, Yehova wakaba kupuisia leenusie bintu byonse bibiipile byaaleetelue na kusinakila kwakue Adamu. I kulanda nangue kine twalangilila kiketekelo mu kilubula mulandu kyakue Yesu, twakaba kwaluka ni lisyuko lya kusekelela bukose bwa loonse mu kyalo kya paradiso!—Isaya 65:21-23.
TUKEBE SAANA
Tusambilile eevi ukile kunvuisia juu ya ki Yesu waafumiizie bukose bwakue, kabili tumone viuli kunoonkelamo.
3. Lufu lwakue Yesu luli lwatufumia mu lizaambi ni lufu
Mone VIIDEO, kisia londoluele keeki kiipuzio.
-
Musita Adamu lwaandilue kumunakila Leeza, waazeziizie lisyuko ki?
Some Baroma 5:12, kisia londoluele keeki kiipuzio:
-
Lizaambi lyaakitile Adamu, lyaaleetele ki mu buikazi bobe?
Some Yoane 3:16, kisia londoluele keeki kiipuzio:
-
Juu ya ki Yehova waamutumine Muana wakue paanu pa kyalo?
-
Adamu abanga wali muntu apuililikile olia waandilue kumunakila Leeza, ni kulengia bantu baaluke mu lizaambi ni kuya bafua
-
Yesu abanga muntu apuililikile olia waamunakiile Leeza, ni kulengia bantu bakapuililike ni kwikala loonse
4. Lufu lwakue Yesu kunti lwakwasia bantu bonse
Mone VIIDEO, kisia londoluele keeki kiipuzio.
-
Lufu lwa muntu umo, kunti lwakwasia siani bantu bonse?
Some 1 Timoteo 2:5, 6, kisia londoluele keeki kiipuzio:
-
Adamu abanga wali muntu apuililikile, inzi paantu waakitile lizaambi, bantu bonse baalukile mu lizaambi kabili bali bafua. Yesu ni weene, waali muntu apuililikile. Ni kiki kilangiliile nangue ngeleelo yaafumiizie Yesu ibanga yali ‘kilubula mulandu kilingheene’?
5. Kilubula mulandu ni bupe butupeelue na Yehova
Babibuza bakue Yehova bali bamona nangue kilubula mulandu ni bupe bupeelue kila muntu. Kwa mufuano, some Bagalatia 2:20, kisia londouele keeki kiipuzio:
-
Mutumua Paulo, walangilila siani nangue kilubula mulandu ni bupe bupeelue kila muntu?
Musita Adamu lwaakitile lizaambi, weene pamo ni baana bakue, baapinguilue kufua. Inzi, Yehova waamutumine Muana wakue afue eevi waaluke ni lisyuko lya kusekelela bukose bwa loonse.
Luuli kuya wasoma eezi milongo ili paapa, ezia kumona mu maano Yehova vyaaiunvuile musita Muana wakue lwabanga wali mukwema. Some Yoane 19:1-7, 16, 18, kisia londoluele keeki kiipuzio:
-
Waiunvua siani palua keelia kyaakukitiile Yehova ni Yesu?
UNGE KUNTI WAIPUZIA: “Lufu lwa muntu umo, kunti lwapususia siani bantu bonse?”
-
Kunti waasuka siani?
MU KIFUPI
Paantu Yesu waafuile, Yehova kunti watweleela mazaambi etu, kabili twaaluka ni lisyuko lya kusekelela buikazi loonse.
Kunti waasuka siani?
-
Juu ya ki Yesu waafuile?
-
Bukose bupuililikile bwakue Yesu, bubanga kilubula mulandu kilingheene. Mu nzila ki?
-
Lufu lwakue Yesu kunti lwakuleetela mpaalo ki?
MANAKO NI BINGE
Mona juu ya ki bukose bupuililikile bwakue Yesu buli bwakuutua kilubula mulandu.
“Ngeleelo Yaafumiizie Yesu Ili ‘Yalubula Bengi’—Siani?” (Lyasi lili mu Kitente kya Enternete)
Mona keelia kitupalile kukita eevi tufumiiwe mu lizaambi ni lufu.
“Yesu Ali Wapususia—Siani?” (Lyasi lili mu Kitente kya Enternete)
Eba, Yehova kunti waeleela atasie mazaambi akata?
“Biipuzio bya Bibilia Byaasukua” (Lupungu Lwakue Kamwenenena, lwa 01/05/2013)
Mona kusambilila palua ngeleelo vikwamukwasiizie mwalalume umo aalulule mibeele yakue.
“Nsikili Kabili Muzia wa Bungipaani” (Lyasi lili mu Kitente kya Enternete)
a Lizaambi, te lilangiliilesie kukita kintu kimo eevi kibiipile. Inzi, lilangiliile kabili aali ibiipile itwapyene.
