Eba, Ngiteaniizie?
Eba, Ngiteaniizie Kutendeka Kusimikila Pamo ni Kilonghaano?
Kunti waaluka kasimika asinabatiziiwe kine . . .
Uli wasambilila Bibilia na mute, uli wa pepa, ni kuya ku kulonghaana kwa mu kilonghaano.
Uli watasia kabili uzumiine beelia biuli mukusambilila, kabili kine utonene kubabuilako bange beelia biuli mukusambilila.
Umutonene Yehova kabili kine wasaakula benoobe baalia bamutonene weene.
Walekela bintu byonse bya politike ni kulekela kuya ku kanisa ka bufi.
Waikala kukoonkana ni mafunde akue Yehova kabili kine watona kwaluka umo wa Bakasininkizia Bakue Yehova.
Kine wamona nangue witeaniizie eevi waluke kasimika, mubuile mwalimu obe wa Bibilia. Weene, wakaba kuya kubabuila bakote eevi bakabe kuiza kulondolola nobe juu ya kumona kine upalile kwaluka kasimika.
Eba, Ngiteaniizie Eevi kubatiziiwa?
Kunti waaluka wa kubatiziiwa kine . . .
Uli kasimika asinabatiziiwe.
Uli waya na mute mu miilo ya kusimikila kukoonkana ni buviinde bobe.
Uli wakwasia “muzia wa kisinka ni wa maano” ni kukoonka malaizio afumine kuli weene.—Mateo 24:45-47, NWT.
Wakiipeela we muine kuli Yehova mu lipepo kabili kine utonene kumubombela loonse.
Kine wamona nangue witeaniizie eevi ukabe kubatiziiwa, mubuile mwalimu obe wa Bibilia. Weene, wakaba kuya kubabuila bakote eevi bakabe kuiza kulondolola nobe juu ya kumona kine upalile kubatiziiwa.
