Bantu bopeene leenu, bali baikala baswapiile nangue bakaba kuya bali ni nsaansa loonse mu kyupo kyabo. Kabili, kunti yakitika. Bakristu baalia bapua kale miaka ingi baaupeene, kabili baalia bali baikwinda kubombia masoke ali mu Bibilia, bamanine nangue kakiine lupua kunti lwaaluka ni nsaansa loonse.

1. Bibilia ilandile balume bakite ki?

Yehova waamubiikile mulume aye wali mutue wa lupua. (Some Baefeso 5:23.) Yehova atonene mulume akwate bupinguzi buli kukwasia lupua. Bibilia ibalandile eevi balume: ‘Twalilile kutona bakazi benu.’ (Baefeso 5:25, NWT) Bobo bulanzi buli na mana ki? Mulume olia ali ni ntono, ali wamukitila buino mukazi wakue musita ubaliposie babili ao lubalipo ni bantu bange. Ali waikwinda kusininkizia nangue mukazi wakue ekeele buino, ali ni nsaansa, kabili ali wamupeela beelia byakabiile. (1 Timoteo 5:8) Kintu kya mana saana, ali waemena aali ya kimupasi yakue mukazi wakue. (Mateo 4:4) Kwa mufuano, kunti wapepa ni kusoma Bibilia pamo ni mukazi wakue. Kine mulume wamwemena mukazi wakue mu ntono, ali kusuunga bukibuza bwakue pamo ni Yehova.​—Some 1 Petro 3:7.

2. Bibilia ilandile bakazi bakite ki?

Mulandu Wakue Leeza uli walanda nangue mukazi “apalile kumukindika saana mulume wakue.” (Baefeso 5:33, NWT) Kunti wakita siani evio? Mukazi kunti watontonkania palua mibeele iweeme ili na mulume wakue, ni vyali waikwinda kumwemena weene pamo ni baana babo. Kunti walangilila kabili nangue amukindikile mulume wakue, kupitila kukwasia bupinguzi buli bwakwata mulume wakue ni kulanda nakue mu buwaame atasie kine mulume wakue tazumiine.

3. Ba mulume ni mukazi kunti bakosia siani kyupo kyabo?

Bibilia ili yalanda eevi palua ba mulume ni mukazi: “Baaba babili baakaaluka mubili umo.” (Mateo 19:5) I kulanda nangue, bapalile kuluisia kintu kyonse kili kulengia ntono ili pakati kabo ikeepe. Bali bakita evio kupitila kupisia lingi musita bali pamo, kubuilana bila kufiikana bili ku mutima wabo ni kulangililana ntono lubali babuilana mawazo abo ni vibeyunvuile. Pakati kabo, te kuli ali walekelela kintu kyokyonse ao muntu yeyonse aaluke wa mana saana kupita mukazi wakue ao mulume wakue, ingasie Yehova. Bali baikala bakengeele saana eevi tekuti bakite bukibuza bwa peepi saana pamo ni muntu asili mulume ao mukazi wakue.

 TUKEBE SAANA

4. Balume: Tona mukazi obe kabili musuunge buino

5. Bakazi: Tona mulume obe kabili mukindike

Bibilia ili yamukinkizia mukazi aye wamukindika mulume wakue anzia kine ali wamubombela Yehova ao abe. Some 1 Petro 3:1, 2, kisia londoluele beebi biipuzio:

• Kine mulume obe tazumiine, kakiine utonene atendeke kumupupa Yehova. Pa lobe, wamona ni kiki kili kumukwasia saana mulume obe atendeke kumupupa Yehova, eba, ni kumusimikila kila musita ao kulangilila lwendo luweeme kuli weene ni kumukindika? Juu ya ki?

Ba mulume ni mukazi kunti bakwata bupinguzi bwaweeme bali pamo. Inzi, musita unge mukazi kunti wakaana kwitabizia byalanda mulume wakue. Kunti waleeta malanga akue watekameene kabili wali ni mukinzi. Inzi apalile kwinika nangue Yehova waamupeele mulume nsaambu ya kupingula kintu kiweeme saana kya kukwasia lupua. Apalile kukita maka eevi akwasie bupinguzi bwakue mulume wakue. Kine wakita evio, ali kukwasia kuleeta nsaansa mu nsesi. Some 1 Petro 3:3-5, kisia londoluele keeki kiipuzio:

• Yehova ali waiunvua siani musita mukazi lwali wamukindika mulume wakue?

6. Kunti waanzia maavia a mu kyupo kyobe

 MU KIFUPI

Ba mulume ni mukazi kunti baaluka ni nsaansa kine batonana, bakindikana ni kubombia mafunde ali mu Bibilia.

Kunti waasuka siani?

• Mulume kunti wakita ki eevi akwasie kuleeta nsaansa mu kyupo?

• Mukazi kunti wakita ki eevi akwasie kuleeta nsaansa mu kyupo?

• Kine uli ni mulume ao mukazi, kunti wabombia lifunde ki lili kukukwasia kulumia kyupo kyobe?