LISOMO LYA 52
Juu ya ki Kili Buino Kutoosia Nvualilo ni Monekelo Yeetu?
Kila muntu ali ni maubo aali watona kuvuala ni bintu bya kwifuanizia. Kine twakoonka mafunde paleepale ali mu Bibilia, tuli kusaakula maubo aweeme kabili ali kumusaansamusia Yehova. Tumone mafunde amo ali pakati ka azo mafunde.
1. Ni mafunde ki ali mu Bibilia apalile kutukwasia kusaakula nvualilo ni kwifuanizia?
Tupalile kusaakula “maubo apalile, mu nzila ya kwikoosia kabili alangiliile maano aweeme” ni kutwalilila kuya twaswetele eevi bange bamone nangue ‘twipeele kuli Leeza’ weetu. (1 Timoteo 2:9, 10, NWT) Mona aza mafunde ana: (1) Maubo etu apalile kuya “apalile”. Paange, waamwene kale ku kulonghaana kwa mu kilonghaano bantu bakue Yehova bavuele maubo apusene-puseene, inzi maubo etu ni kwifuanizia kwetu, lyonse bipalile kulangilila nangue tuli twamukindika Leeza utuli twapupa. (2) Kuvuala maubo “mu nzila ya kwikoosia” kuli na mana ya kulanda nangue te tupalile kuvuala maubo ali kubuusia nkulu ya bantu bange ya kulaalana ao maubo etu te apalile kulengia bange batukentesie saana. (3) Tuli twalangilila “maano aweeme” musita utuli twatiina kukoonka kila nvualilo ao kwifuanizia kuli kwatonua saana na bantu ba enu nsiku. (4) Lyonse, monekelo yeetu ipalile kulangilila nangue ‘tuli twamulumbania Leeza’ weetu ni kulangilila ku bange nangue tuli twamupupa Leeza wa kisinka.—1 Bakorinto 10:31.
2. Juu ya ki tupalile kutontonkania juu ya balupua ni bankazi musita utuli twapingula kya kunti tuvuale?
Anzia kine tuli ni buntungua bwa kusaakula bya kuvuala, tupalile kutontonkania nvualilo yeetu viili kulengia bange beyunvue. Tuli twaikwinda saana eevi te kunti tukisie muntu ata umo, inzi tukebe ‘kumukitila kiweeme mwikazi [neetu] awaaminue eevi kumukuula.”—Some Baroma 15:1, 2.
3. Monekelo yeetu kunti yalengia siani bange batone kumana bingi palwakue Yehova?
Anzia kine tuli twaikwinda kuvuala buino kila musita, tuli twatoosia saana nvualilo yeetu musita utuli twaya ku kulonghaana ni mu miilo ya kusimikila. Te tutonene kulengia bantu bapuulule eezi mpunda ya mana ituli twababuila bantu. Inzi, tutonene nvualilo yeetu ilengie bange bamane bingi ni ‘kukindika masambilizio ali asambiliziiwa palwakue Leeza Mupususi weetu.’—Tito 2:10.
TUKEBE SAANA
Tumone nvualilo ni monekelo yeetu vibili kukwasia bange bamone nangue tuli Bakristu ba kisinka.
Nvualilo ni monekelo yeetu kunti byalangilila nangue tukindikile bantu bali ni buviinde ao abe. Anzia kine Yehova ali wakenta ku mutima weetu, nvualilo yeetu ni kumoneka kwetu bipalile kulangilila nangue tumukindikile weene
4. Kine tufuaniine, tuli kulangilila nangue tumukindikile Yehova
Ni nsaambu ki ya mana saana ili yalengia tupoozeko maano ku monekelo ao kwifuanizia kwetu? Some Malumbo 47:2, kisia londoluele beebi biipuzio:
-
Kumana nangue tuli bantu bakue Yehova, kupalile kutukinkizia tuvuale siani?
-
Weewe pa lobe, eba, watontonkania nangue kilisie buino kutoosia monekelo yeetu lutuli ku kulonghaana ni mu miilo ya kusimikila? Juu ya ki walanda evio?
5. Ni kiki kili kutukwasia kusaakula buino bintu bya kuvuala ni bya kwifuanizia?
Anzia kine maubo etu ni a mutengo ukata ao uniini, apalile kuya aswetele kabili kukoonkana ni miilo ituli mukukita. Some 1 Bakorinto 10:24 ni 1 Timoteo 2:9, 10. Kisia londoluele beebi biipuzio. Juu ya ki tupalile kutiina kuvuala maubo . . .
-
asipalile kabili asiswetele ao akwilekelela?
-
auminiine, akeena, ao a kubusia nkulu ya bantu ya kulaalana?
Anzia kine Bakristu te bali pensina pa Muzilo Wakue Musa, inzi ozo Muzilo kunti wabakwasia kumana Yehova vyali watontonkania. Some Malanguluzi a Mizilo 22:5, kisia londoluele keeki kiipuzio:
-
Juu ya ki tupalile kutiina kwifuanizia ao kuvuala maubo ali kulengia mwalalume amoneke nga mwanakazi ao mwanakazi amoneke nga mwalalume?
Some 1 Bakorinto 10:32, 33 ni 1 Yoane 2:15, 16, kisia londoluele beebi biipuzio:
-
Juu ya ki tupalile kutoosia eevi kumona kine kwifuanizia kwetu kuli kwalengia bantu mu muzi ao mu kilonghaano bakisike?
-
Pa fuasi pa wikeele ni nvualilo ki ao kwifuanizia kwa siani kuli kwatonua sana na bantu?
-
Eba, watontonkania nangue pakati ka ezio nvualilo, inge te ipalile ku Mukristu? Juu ya ki walanda evio?
Kunti twavualila ni kwifuanizia mu nzila ipusene-puseene, ni mu wenka ozo musita, twamusaansamusia Yehova
BANGE BALI BALANDA: “Ndi ni nsaambu ya kuvuala keelia kinatona.”
-
Ni weewe i viumwene? Juu ya ki walanda evio?
MU KIFUPI
Musita utuli twakwata bupinguzi buweeme palua bintu bya kuvuala ni monekelo yeetu, tuli twamukindika Yehova ni bantu bange.
Kunti waasuka siani?
-
Juu ya ki nvualilo yeetu ni kwifuanizia ni bintu bya mana kuli Yehova?
-
Ni mafunde ki paleepale apalile kututungulula lutukebele kukwata bupinguzi palua monekelo yeetu?
-
Nvualilo ni monekelo yeetu kunti byalengia bange bamone siani lupupo lwa kisinka?
MANAKO NI BINGE
Mona bantu bange vibali kutontonkania juu yobe kine bamona maubo auvuele.
“Neene Ndi Namonekanke Siani?” (Lyasi lili mu Kitente kya Enternete)
Mona juu ya ki ni kintu kya mana kutontonkania ntaanzi ya kulamika kintu ku mubili.
“Bibilia Ili Yalanda Siani Palua Kulamika Bintu ku Mubili?” (Lyasi lili mu Kitente kya Enternete)
Mona mafunde ange ali kutukwasia musita utwakeba kukwata bupinguzi.
Mwanakazi umo abanga watonene kumusaansamusia Leeza, waakitile siani eevi amone nangue nvualilo ya bantu bange ilisie buino?
“Nvualilo ni Kwifuanizia I Byali Byaalengiizie Ngandue Kukita Buyantanzi” (Buuke!, ya 22/12/2003)
