LISOMO LYA 57
Kukita Siani Kine Wakita Lizaambi Likata?
Anzia kine umutonene saana Yehova, kabili uli waikwinda eevi utiine kukita kintu keelia kili kumukisia weene, musita unge kunti wakita bilubo. Inzi, mazaambi ange ali aikala ali akata kuliko ange. (1 Bakorinto 6:9, 10) Kine wakita lizaambi likata, languluka nangue Yehova tanakusuule, eteaniziesie kukweleela ni kukukwasia.
1. Pa kunti Yehova atweleele lizaambi lyetu, tupalile kukita ki?
Baalia bamutonene Yehova, kine bainika nangue bakita lizaambi likata, bali baaluka ni bulanda saana. Inzi, Yehova ali wabakoselezia na bobu bulayo bwalaile bantu bakue: “Anzia kine mazaambi enu ali nga rangi yakasi ili yabeeka, akaalulua asue nga kibue.” (Isaya 1:18) Kine twalapila mu kisinka, Yehova ali kutweleela kakiine. Tuli kulapila siani? Tuli kulapila kupitila kunuuna saana juu ya bintu bibiipile bitwakikita, twalekela kubikita, kabili twamuloomba Yehova atweleele. Kisia paapo, twakita maka etu onse eevi kwalulula malanga etu abiipile ao mibeele ibiipile yakitulengia tukite lizaambi, ni kwikwinda kwikala kukoonkana ni mafunde aweeme akue Yehova.—Some Isaya 55:6, 7.
2. Yehova ali wabombia siani bakote eevi kutukwasia kine twakita lizaambi?
Kine twakita lizaambi likata, Yehova atulandile “tukuute masiiko ao bakote ba kilonghaano.” (Some Yakobo 5:14, 15.) Baabo bakote babiikilue mu kilonghaano, bamutonene Yehova kabili babatonene baalia bali bamubombela. Babeeleziiziwe vya kunti baye batukwasia eevi twaluke kabili ni bukibuza buweeme pamo ni Yehova.—Bagalatia 6:1.
Bakote, bali bakita siani eevi kutukwasia kine twakita lizaambi likata? Bakote babili ao batatu, bali babombia Maleembo ali mu Bibilia eevi kutulangilila juu ya ki keelia kitwakikita kibiipile. Bali batupeela masoke aweeme ni bintu byakutukwasia eevi tukabe kutiina kukita kabili lizaambi. Paange, kunti batukaania kukita bintu binge mu kilonghaano mpaka musita bukibuza bwetu pamo ni Yehova lubwakaba kuluma kabili. Kine muntu olia wakita lizaambi likata talapiile, bakote bali bamutenga eevi te kunti ambukizieko bantu bange mu kilonghaano.
TUKEBE SAANA
Tusambilile eevi tukile kumana buino nzila ili yabombia Yehova juu ya kutukwasia kine twakita lizaambi likata, kabili vya kutasia palua ezio nzila.
3. Kulapila kuli kwatukwasia tubuezie bukibuza bwetu pamo ni Yehova
Kila lizaambi lituli twakita, lili lyamukisia Yehova, i kili kyalengia twiluumbe ao tulapile kuli weene. Some Malumbo 32:1-5, kisia londoluele keeki kiipuzio:
-
Juu ya ki kili buino kulapila mazaambi etu kuli Yehova kuliko kwezia kumufiika?
Kukila pa kulapila mazaambi etu kuli Yehova, tuli twakila kukosa kimupasi kine twabaloomba bakote batukwasie. Mone VIIDEO, kisia londoluele keeki kiipuzio.
-
Mu eezi viideo, bakote baakitile ki eevi bamukwasie Canon amubuelele Yehova?
Tupalile kubabuila bakote kisinka ni bila kubafiika kantu, paantu baabiikiluepo juu ya kutukwasia. Some Yakobo 5:16, kisia londoluele keeki kiipuzio:
-
Juu ya ki kubabuila bakote lizaambi litwakikita bila kubafiika kantu, kuli kulengia batukwasie balengeelue?
Lapila lizaambi lyobe, uye wali wa kisinka ku bakote, kabili itabila kukwasiiwa kulangiliile ntono yakue Yehova
4. Kumutenga olia akitile lizaambi kuli kwakwasia
Kine muntu olia wakita lizaambi likata wakaana kukoonka mafunde akue Yehova, taviinda kulekelelua aye wali kabili mu kilonghaano. Ali kutengua, kabili te tupalile kupisia musita pamo nakue ao kukita nakue bukibuza aosie kulanda nakue. Some 1 Bakorinto 5:6, 11 ni 2 Yoane 9-11, kisia londoluele keeki kiipuzio:
-
Nga eveliasie ntuntumusi ao levire viili yavimbia bunga bukandilue, kupisia musita twali pamo ni muntu asiizi kulapila lizaambi, kunti kwaleeta aali ki mu kilonghaano?
Bantu bengi baalia bali batengua, kisia nsiku, bali babuela kabili ku kilonghaano. Juu ya ki? Anzia kine kutengua kuli kwakisa, kuli kwabakwasia benike nangue keelia kibakikita kibiipile. (Malumbo 141:5) Mone VIIDEO, kisia londoluele keeki kiipuzio.
-
Mu eezi viideo, kutengua kwaatengelue Sonja kwaamukwasiizie siani?
-
Mupaango wa kutenga muntu asitonene kulapila, kuli kwakwasia siani kulumbania liina lyakue Yehova?
-
Mupaango wa kutenga muntu asitonene kulapila, uli walangilila siani nangue Yehova ali ni maano aweeme kabili ni wantono?
5. Yehova ali watweleela kine twalapila
Yesu waaleetele mufuano uli watukwasia kwinika Yehova vyali waiunvua kine muntu walapila. Some Luka 15:1-7, kisia londoluele keeki kiipuzio:
-
Ozu mufuano, watusambilizia ki palwakue Yehova?
Some Ezekieli 33:11, kisia londoluele keeki kiipuzio:
-
Ni kintu ki kya mana kitupalile kukita eevi tulangilile nangue, twalapila kakiine?
Nga evelia musuungi, Yehova ali waemena saana mikooko yakue
BANGE BALI BALANDA: “Ndi mukutiina kuya kubabuila bakote lizaambi lyane, paantu nakaba kutengua.”
-
Kunti wamulanda siani muntu eyunvuile evio?
MU KIFUPI
Kine twakita lizaambi likata, kisia twalapila kakiine ni kupingula kulekela kukita kintu kibiipile, Yehova ali kutweleela.
Kunti waasuka siani?
-
Juu ya ki kili buino kulapila mazaambi etu kuli Yehova?
-
Tupalile kukita ki, eevi Yehova atweleele mazaambi etu?
-
Kine twakita lizaambi likata, ju[u ya ki tupalile kubaloomba bakote batukwasie?
MANAKO NI BINGE
Mona mwalalume umo vyaaimweneene nkumbu yakue Yehova ili mu lileembo lya Isaya 1:18.
Mupaango wa kutenga muntu asilapiile, uli wakwasia siani kila muntu akitile lizaambi?
“Mupaango wa Kutenga Muntu Ulangiliile Ntono” (Lupungu Lwakue Kamwenenena, lwa 15/04/2015)
Mona viuli kumukwasia muntu asili Kasininkizia, amane mupaango wa kutengana.
Mu lyasi lilandile “Naali Napalilesie Kubuela Kuli Yehova”, mona mwalalume umo waali wasiile kisinka, vyaaiunvuile nangue Yehova waamukuliile kabili kuli weene.
“Bibilia Ili Yaalulula Buikazi bwa Bantu” (Lupungu Lwakue Kamwenenena, lwa 01/04/2012)
