LISOMO LYA 59
Weewe, Kunti Waviinda Kusipikizia Masaanzo
Leenusie ao musita uli mukuiza, Bakristu bonse bakaba kupingua, kusaanzua ao kukyuziiwa. Eba, kumana kaako kupalile kutuleetela muenzo?
1. Juu ya ki tuye twaswapiile nangue twakaba kusaanzua?
Bibilia ili yalanda eevi paswetele: “Kubalua muntu atonene kwikala buikazi bwa kumunakila Leeza ni kuya wali mu buumo ni Yesu Kristu, amane nangue waakeemiwa.” (2 Timoteo 3:12) Yesu waasaanzilue, paantu taali seemu ya kyalo kyakue Sataana. Ni fwefue te tuli seemu ya keenu kyalo. Pakaako, tetwizi kupapa kine ma buteeko a mu keenu kyalo ao ma diini atusaanza.—Yoane 15:18, 19.
2. Kunti twakita ki eevi twiteanie palua Kusaanzua?
Loonu, tupalile kulumia kiswapilo kyetu kuli Yehova. Tenga musita kila busiku wa kunti uye wapepa kuli weene ni wa kuya wasoma Mulandu wakue. Uye waya ku kulonghaana lyonse. Kukita evio, kwakaba kukupeela maka aukebele eevi uye wakinkimeene ao wasipile ni kwanzia kila busaanzo, anzia kine bufumine ku bantu ba mu lupua lobe. Mutumua Paulo, olia abanga wakyuziiwa lingi, waalandile eevi: “Mulopue i mukwasi waane, nsyatiina kantu.”—Baebrania 13:6.
Kuya twali ni mute wa kusimikila, ni kwene kuli kutukwasia tukabe kuya twakinkimeene saana. Kusimikila, kuli kwatusambilizia tuye twamuswapiile Yehova, kabili kuli kwatukwasia kupuisia muenzo onse wa kutiina bantu. (Tuswalo ni Mafunde 29:25) Kine loonu waikwinda kuya wakinkimeene mu miilo ya kusimikila, wakaba kuya waiteaniizie buino saana eevi ukabe kutwalilila kusimikila atasie kine buteeko bukabe kukaania miilo yeetu ya kusimikila.—1 Batesalonika 2:2.
3. Kine twasipikizia busaanzo, tuli kupata mpaalo ki?
Kulanda kisinka, tetwizi kutona kukyuziiwa. Inzi, kine twaviinda kusipikizia kukyuziiwa, kiketekelo kyetu kili kyakila kuluma. Tuli twakila kumupalama Yehova paantu twaakiimwena vyakitukwasia musita utwakiba twaiunvuile nangue te tuli na maka a kutwalilila kusipikizia. (Some Yakobo 1:2-4.) Yehova ali waunvua misa musita lwali wamona twakyuziiwa. Inzi, kine wamona twatwaliliile kusipikizia, ali wasekelela. Bibilia ili yalanda eevi: “Kine mwasipikizia lyemo limwaemiiwa pa mulandu wa kukita bintu bilungheeme, mupaalilue na Leeza.” (1 Petro 2:20) Kine twatwalilila kuya twali ba kisinka, Yehova wakaba kutupeela kilambu kya bukose bwa loonse mu kyalo kipia. Kupuako, bantu baalia bakaba kwikala mu keekio kyalo, bakaba kumubombela Yehova kabili tekukaba muntu wa kubapinga.—Mateo 24:13.
TUKEBE SAANA
Tumone juu ya ki kunti twatwalilila kuya twali ba kisinka kuli Yehova anzia kine bantu batusaanza ao batukyuzia. Kabili tumone vyali wakaba kutupeela kilambu.
4. Kunti wasipikizia kine bantu ba mu lupua lobe bakupinga
Yesu waali wamanine buino saana nangue, bantu bange ba mu lupua lwetu tebaviinda kutona tumubombele Yehova. Some Mateo 10:34-36, kisia londoluele keeki kiipuzio:
-
Bantu ba mu lupua, kunti balanda ki ao kunti bakita ki kine umo mu lupua lwabo wapingula kumubombela Yehova?
Eevi kumona mufuano umo, mone VIIDEO, kisia londoluele keeki kiipuzio.
-
Kunti wakita siani kine muntu wa mu lupua ao kibuza obe waezia kukukaania kumubombela Yehova?
Some Malumbo 27:10 ni Marko 10:29, 30. Kisia kusoma kila lileembo, londoluele keeki kiipuzio:
-
Bulayo buli mu leeli lileembo, kunti bwakukwasia siani kine bantu ba mu lupua ao benoobe bakukaania kumubombela Yehova?
5. Twalilila kumubombela Yehova anzia kine wasaanzua
Pa kunti tumubombele Yehova, iloombele tuye twakinkimeene kine bange batukaania kumubombela. Mone VIIDEO, kisia londoluele keeki kiipuzio.
-
Eezi mifuano ili mu eezi viideo, yakupeela siani maka?
Some Miilo ya Batumua 5:27-29 ni Baebrania 10:24, 25. Kisia kusoma kila lileembo, londoluele keeki kiipuzio:
-
Juu ya ki ni kintu kya mana saana tutwalilile kumupupa Yehova atasie kine bakulu ba buteeko batukaania kusimikila ao kulonghaana?
6. Yehova ali kukukwasia kusipikizia
Bakasininkizia Bakue Yehova, bakulu ni baanike mu kyalo kyonse, bali mukumubombela Yehova mu kisinka atasie musita ubali mukusaanzua. Eevi kumona keelia kili kyabakwasia kusipikizia, mone VIIDEO. Kisia londoluele keeki kiipuzio.
-
Mu eezi viideo, ni kiki kyaabakwasiizie baaba Bakasininkizia basipikizie?
Some Baroma 8:35, 37-39 ni 2 Bakorinto 4:7. Kisia kusoma kila lileembo, londoluele keeki kiipuzio:
-
Leeli lileembo, lyakusininkiziizia siani nangue kunti waviinda kusipikizia kila buavia?
Some Mateo 5:10-12, kisia londoluele keeki kiipuzio:
-
Juu ya ki kunti waya wali ni nsaansa atasie kine wakyuziiwa??
Ma milioni a babombi bakue Yehova, bali mukuviinda kusipikizia musita ubali bapingua. Ni weewe kunti waviinda!
BANGE BALI BALANDA: “Kine nasaanzua, neene nsiviinda kusipikizia.”
-
Ni maleembo ki ali kubapeela maka a kubakwasia kusipikizia?
MU KIFUPI
Yehova ali wasekelela musita lwali wamona twaikwinda kumubombela anzia kine twasaanzua ao twakyuziiwa. Twakaba kuviinda kusipikizia kupitila kukwasiiwa na weene!
Kunti waasuka siani?
-
Juu ya ki Bakristu bapalile kuya baswapiile kukyuziiwa?
-
Kunti wakita ki loonu eevi witeanie musita masaanzo luakaba kuiza?
-
Ni kiki kili kukukwasia uye wali ni kisinka nangue wakaba kuviinda kumubombela Yehova anzia kine wakyuziiwa mu nzila yoyonse?
MANAKO NI BINGE
Mona lupua umo mulumendo vyali mukulondolola vibaamukwasiizie kuli Yehova asipizikie musita lwabanga wakakilue ku buloko paantu waakeene kwaluka soda.
Mona keelia kyaabakwasiizie ba mulume ni mukazi bamo bakite miaka ingi bali mukumubombela Yehova mu kisinka anzia kupingua.
Mona vya kukita eevi uye wakinkimeene ao wasipile kine wasaanzua.
Kunti twamona siani kine bantu ba mu lupua batupinga, kabili kunti twakita siani eevi tutwalilile kuya twali ni mutende kabili tutwalilile kuya twali ba kisinka kuli Yehova?
