Vya kukita eevi aza masomo a Bibilia akukwasie saana
Kya ntaanzi, mona mu kifupi lisambililo vilili lyakitua, kisia mone VIIDEO.
SEEMU YA KUANZA
Luuli mukuteania kila lisomo, soma seemu ya ku ntendeko ya lisomo. Biipuzio bili mu miandiko ikata (A) ni maleembo (B) bilangiliile paswetele bintu bikata. Mana nangue maleembo ange alandilue nangue “some.”
SEEMU YA PA BUKATA
Bulondolozi bwa kuanza (C) buli mu seemu ilandile TUKEBE SAANA bulangiliile bintu bikoonkelepo. Tumitue tuniini (D) tulangiliile bintu bikata bili kulandua. Luuli pamo ni mwalimu obe soma maleembo, asuuka biipuzio kabili mona ni ma viideo.
Kisanduku kilimo ma VIIDEO, kili kukutwala ku ma viideo ni mpunda inge ya kukukwasia kunvuisia lyasi. Ma viideo ange, alangiliile bintu byaakitikile kakiine. Ange asaapiluesie na bantu, inzi, alangiliile bintu bili byakitika.
Kenta ma foto wapoozeleko maano ni kusoma milandu ilondoluele ma foto (E), kabili tontonkania vya kwasuka mu seemu ilandile BANGE BALI BALANDA (F).
SEEMU YA KUPELEEZIA
Lisomo lili lyapeleezia na seemu ilandile MU KIFUPI pamo ni seemu Kunti Waasuka Siani? (G). Leemba busiku bumwapuilapo leelio lisomo. Mu seemu ilandile Ezianke Kukita Eevi (H) ili kukupeela miilo ya kunti ukite eevi utwalilile ni kusambilila ao kubombia beelia biuli mukusambilila. Mu seemu ilandile MANAKO NI BINGE (I) muli mpunda ya kunti usome ao kumona.
Mu Keeki Kitabu Muli
|
|
|
|
Vya kupata maleembo mu Bibilia
Bibilia ilimo bitabu binini-biniini makumi sita na sita (66). Ikasaniiziwe mu seemu ibili: Maleembo a Kiebrania ni a Kiaramu (“Kipingo kya Kale”) ni Maleembo a Kigiriki a Kikristu (“Kipingo kya Leenu”).
Musita lileembo lulili kuya lyaziimbuilue mu leeli lisambililo, lili kuya lyalangiliilue na liina lya kitabu kya Bibilia (A), lyakoonkelue na katue (B), ni mulongo ao milongo (C).
Kwa mufuano, Yoane 17:3 ilangiliile kitabu kya Yoane, katue ka 17, mulongo wa 3.
