KUTENDEKEZIA BULONDOLOZI
LISOMO LYA 5
Mukinzi
Lifunde: “Bulanzi bwenu lyonse bupalile kuya bwaweeme.”—Bakol. 4:6.
Paulo Waakitile ki?
1. Mona VIIDEO, ao soma Miilo ya Batumua 17:22, 23. Kisia, asuka biipuzio bili paapa pensina:
-
Paulo waaunvuile siani musita lwaamwene mu muzi wa Atene bintu bya lupupo lwa bufi?—Mona Miilo ya Batumua 17:16.
-
Paulo waabombizie siani kwa bufundi bintu bibanga byazumiine bantu mu Atene byaluke nzila ya kubabuililako mpunda iweeme?
Mufuano Wakue Paulo Watusambilizia ki?
2. Lingi, bantu bali batona saana kututuilizia kine twasaakula buino bintu bya kulanda, vya kubilanda ni musita wa kubilanda.
Koonka Mufuano Wakue Paulo
3. Saakula milandu iweeme. Kwa mufuano, kine uli mukulanziana ni muntu asili Mukristu, upalile kuwaamia nzila yobe ya kutendekeziiziamo bulondolozi palua Bibilia ao vya kumuzimbula Yesu.
4. Apana kuya waleengele kumutingulula ozo muntu. Mulekelele ozo muntu alande wali ni uuru. Kine weene walanda kintu fulani kipingeene ni masambilizio ali mu Bibilia, te kutendeka kubisiana nakue. (Yak. 1:19) Kine wamutuilizia, uli kumana bintu byazumiine, kabili juu ya ki azumiine bebio bintu.—Tus Maf. 20:5.
5. Kine kyakitika, mwitabizie ni kumutasia ozo muntu. Weene, kunti waya wazumiine kakiine nangue, masambilizio a mu diini yakue i a kisinka. Londolola nakue kintu fulani keelia kimuzumiine mwe bonse, kusiali, lumuli kuya mwatwaliliile ni bulondolozi, mukwasie amane keelia kili kyasambilizia Bibilia.
