KIPAANDE 5
Pa lua Nvula Ikata ya mu Nsiku ya kua Noa—Baani bamutuilizie Leeza? Baani bamukeene?
Beengi mu nsita ya kua Noa baali bakita bibipile. Kuteendeka 6:5
Adamu ni Eva baviele baana, ni baantu bavulile pa Kialo. Ni mu muulu ba malaika baange bamukonkele Sataana mu kusanguka kuakue.
Baizile pano pa Kialo ni kuvuala mibili ya bumuuntu, ni kuupa banakazi. Banakazi baabo, baviele baana ba mibili ikata, ni maka engi saana, ni kusasa kuakilile.
Kialo kia izuile baantu bakita bibipile. Bibilia yaalanda nangue: “Bubifi bua baantu pa Kialo, buali buingi, ni milangue ya mu mitima yabo, yaali sie, ya kukita bibipile nsita yonse.”
Noa wamutuilizizie Leeza ni kukuula buato. Kuteendeka 6:13, 14, 18, 19, 22
Noa wali muuntu uweeme. Yehova wamuanine Noa nangue ali ni kuipaya baantu babipile na Nvula Ikata.
Kabili Leeza wamuanine Noa akuule ki buato kikata kia kuutua Safina, ni kuingiziamo mukazi ni baana baakue ni nama yalekanalekana.
Noa wasokele baantu palua nvula yali ya kuiza inzi te bamunvuile. Baange bamusekele, ni bamo bamusulile.
Pa apuile kukuula Safina, Noa waingiziziemo nama.
