Nsiku 19-25/02
MALUMBO 8-10, NWT-ZS
Lwimbo 2 (Lwa Kiswahili) ni Lipepo | Milandu ya Kutendekezia (Dak. 1)
1. “Nakaba Kukutasia We Yehova”!
(Dak. 10)
Yehova waatukitiile bintu biweeme saana (Malum 8:3-6; w21.08 lub. 4 lifu. 6)
Tuli twaitoneena kumulumbania ao kumutasia Yehova kupitila kubabuilako bange bintu bya kupapia byaakitile (Malum 9:1; w20.05 lub. 23 lifu. 10)
Kabili, tuli twamulumbania kupitila kumwimbila nghiimbo kwa mutima weetu onse (Malum 9:2; w22.04 lub. 7 lifu. 13)
IIPUZIE EEVI: ‘Kunti nakita bintu ki binge eevi mulumbanie Yehova?’
2. Bunoonsi bwa Kimupasi
(Dak. 10)
-
Malum 8:3—Kaleemba wa malumbo, waali wakeba kulanda ki musita lwaazimbuile minue yakue Leeza? (it-1-F lub. 663 lifu. 7)
-
Ni bunoonsi ki bwa kimupasi buwakipata mu busomi bwa Bibilia bwa onu mulungu buuli kutona kubabuilako bange?
3. Kusoma Bibilia
(Dak. 4) Malum 10:1-18, NWT-ZS (th-ZS lisomo lya 11)
4. Kutendekezia Bulondolozi
(Dak. 3) NSESI KWA NSESI. Mwine nsesi wakulanda nangue tazumiine nangue Leeza kwali. (lmd lisomo lya 5 kamutue kaniini ka 4)
5. Kumubwelela Muntu
(Dak. 4) KUSIMIKILA BILA WAPAANGILE. Luwakilanda ni ozo muntu musita wakipita, wakikubuila nangue tazumiine nangue Leeza kwali. Inzi, loolu luwasaakaana nakue lya bubili, watona mutoosie bintu bisininkiziizie nangue kuli ni Kabumba. (th-ZS lisomo lya 7)
6. Lyasi
(Dak. 5) w21.06 lub. 6-7 lifu. 15-18—Mutue wa Lyasi: Bakwasie Basambi Bobe ba Bibilia Bamulumbanie Yehova. (th-ZS lisomo lya 10)
Lwimbo 10 (Lwa Kiswahili)
7. Nzila Ilengele ya Kusimikila Bila Wapaangile
(Dak. 10) Kulondolola pamo.
nzila imo ya kumutasia saana Yehova, ni kupitila kubasimikila bonse batuli twasaakaana nabo mu miilo yeetu ya kila busiku. (Malum 35:28) Ku ntendeko, kunti twaunvua mwenzo wa kusimikila bila twapaangile. Inzi, kine twamana vya kutendekezia ni kutwalilila ni bulondolozi twalandile nga mutuli twalandila, kunti twaaluka bafundi ba kusimikila bila twapaangile, kabili tuli kusekelela kukita evio!
Mone VIIDEO Uye Waiteaniizie “Kusimikila Mpunda Iweeme ya Mutende”—Uye Wali wa Kuanza Kutendekezia Bulondolozi. Kisia, beepuzie eevi bakatuilizia:
Waasambiliile ki mu eezi viideo keelia kili kukukwasia waaluke saana fundi mu miilo ya kusimikila bila wapaangile?
Aza masoke aniini ali paapa pensina, kunti akukwasia utendekezie bulondolozi:
-
Kebako bintu bili kukukwasia utendekezie bulondolozi kila musita luwafuma ku nsesi. Pepa palua kaako, kabili muloombe Yehova akukwasie upate muntu olia ali kutona kutuilizia
-
Uye wakita burafiki, kabili uye wabapoozako maano bantu bauli mukusaakaana nabo. Ikwinde kumana kintu fulani palwakue ozo muntu eevi usaakule kisinka kimo kili mu Bibilia kiwamona nangue, kunti kyamusaansamusia
-
Kita maka umone kine kunti mwapeelana ma nimero a telefone ao kubuilana ku fuasi kumuli mwaikala kine kyapala
-
Te kutioka mutima kine mwapua kulanziana bila kunti umusimikile
-
Tontonkania palua ozo muntu kisia kulanziana nakue. Twalilila kulangilila nangue umupoozeleko maano, kupitila kumutumina musaapu (lien) uli kumutwala ku mulongo umo uli mu Bibilia, ao ku lyasi limo lili mu jw.org
Ezianke kukita eevi: Kine muntu fulani wakwipuzia eevi: ‘Ewe, mpela ya mulungu yakipita siani?’ Mubuileko palua kintu fulani kiwakisambilila ku kulonghaana ao palua miilo iuli wakita ya kusambilizia Bibilia.
8. Bintu Bikabiile Kilonghaano
(Dak. 5)
