Busiku 01-07/04
MALUMBO 23-25, NWT-ZS
Lwimbo 4 (Lwa Kiswahili) ni Lipepo | Milandu ya Kutendekezia (Dak. 1)
1. “Yehova Ni Musuungi Wane”
(Dak. 10)
Yehova, ali watutungulula (Malum 23:1-3; w11 1/5 lub. 31 lifu. 3)
Yehova, ali watusuunga (Malum 23:4; w11 1/5 lub. 31 lifu. 4)
Yehova, ali watuliisia (Malum 23:5; w11 1/5 lub. 31 lifu. 5)
Yehova ali waemena babombi bakue, nga evelia sie musuungi ali ni ntono vyali waemena mikooko yakue.
IIPUZIE EEVI: ‘Ni kiki kilangiliile nangue, Yehova ali mukungemena neene palwane?’
2. Bunoonsi bwa Kimupasi
(Dak. 10)
-
Malum 23:3—“Tuila twa nsaambu” i kiki, kabili ni kiki kili kutukwasia eevi te kunti tufumemo mu tooto tuila? (w11 15/2 lub. 24 lifu. 1-3)
-
Ni bunoonsi ki bwa kimupasi buwakipata mu busomi bwa Bibilia bwa onu mulungu buuli kutona kubabuilako bange?
3. Kusoma Bibilia
(Dak. 4) Malum 23:1–24:10, NWT-ZS (th-ZS lisomo lya 5)
4. Kutendekezia Bulondolozi
(Dak. 3) KUSIMIKILA BILA WAPAANGILE. Musomene lileembo lya kumukoselezia muntu olia wakubuila nangue, ali mukunvua muenzo juu ya kwinooneka kwa aali ya ewa. (lmd lisomo lya 2 kamutue kaniini ka 5)
5. Kumubwelela Muntu
(Dak. 4) NSESI KWA NSESI. Mulangilile muntu olia waitabila broshua Sekelela Buikazi Loonse! vituli twakita lisambililo lya Bibilia. (lmd lisomo lya 9 kamutue kaniini ka 3)
6. Kukita Basambi
Lwimbo 54 (Lwa Kiswahili)
7. Tuli Twakaana Kutuilizia Lizui lya Baeni
(Dak. 15) Kulondolola pamo.
Mikooko ya kakine-kiine, ili yasaangua yamanine lizui lya musuungi wabo kabili ili yamukoonka. Mu mana inge, ili yamubutuka mueni, paantu te imanine lizui lyakue. (Yoan 10:5) Enka evio, ni fwefue tuli twabatuilizia basuungi betu ba kimupasi, Yehova ni Yesu. Baabo basuungi, bali ni ntono kabili tubaswapiile. (Malum 23:1; Yoan 10:11) Inzi, tuli twakaana kutuilizia lizui lya baeni baalia bali bakita maka eevi batopie kiketekelo kyetu kupitila kulanda “maasi a bufi.”—2Pet 2:1, 3.
Kitabu kya Kutendeka katue ka 3, kili kyalanda mara ya kuanza yaatendekele kunvuika lizui lya mueni pa kyalo. Sataana waalandile ni Eva wabombia kizoka, eevi Eva te kunti amane kine uni abanga wamulanzia. Sataana, waaikitile eevi Eva amone nangue ni mwinakue i ali mukumulanzia. Waalandile bya bufi palua milandu yaalandile Yehova ni mipaango yakue. Kya bulanda, Eva waamutuiliziizie Sataana, ni kukita evio, kwaalengiizie waileetela maavia akata saana ye mwine ni mu lupua lwakue.
Enu nsiku, Sataana ali mukukita maka eevi atulengie tutendeke kutwisika palwakue Yehova ni kuteania kwakue, kupitila kusalangania mpunda ibiipile, kabili ya bufi. Kine twaunvua lizui lyakue mueni, tupalile kubutuka! Kumutuilizia ata sie kwa musita uniini paantu sie tutonene kumana, ni kwibiika mu buavia. Ati, Sataana waabombiizie milandu inga eevi amubeepe Eva lubaapuile musita uniini bali mukulanziana? (Kut 3:1, 4, 5) Ale kine muntu umo eevi uumanine olia atutonene, kabili asili na mawazo abiipile, watendeka kulanda bintu bisiweeme palua kuteania kwakue Yehova, weewe uli kukita siani?
Mone VIIDEO Te “Kutuilizia Lizui lya Baeni.” Kisia, beepuzie eevi bakatuilizia:
Weewe, waasambiliile ki ku mufuano wakue Jade kukoonkana ni vyaamwasukile mama wakue asizumiine musita lwaatendekele kumubuila bintu bisiweeme palua kuteania kwakue Yehova?
8. Lisambililo lya Bibilia lya Kilonghaano
(Dak. 30) bt-ZS lyas. 8 lifu. 1-4, bisanduku ku lub. 61-62
