• Malum 36:6—Paange kaleemba wa Malumbo wali wakeba kulanda ki musita lwaalandile nangue nsaambu yakue Yehova ili nga “mpili ikata [ao, “nga mpili yakue Leeza,” bulondolozi bwa pensina]”? (it-2-F lub. 341)

  Kyasuko kyobe

• Ni bunoonsi ki bwa kimupasi buwakipata mu busomi bwa Bibilia bwa onu mulungu buuli kutona kubabuilako bange?

  Kyasuko kyobe

Masaanzo a kiasili pamo ni masaanzo ali aleetua na bantu ali aemia balupua ni bankazi mwaya kyalo, paantu bali bazeezia bintu byabo pamo ni batonua babo. (Malum 9:9, 10) Kya bulanda ni keeki, “nsita ya maavia” kunti yafika nsita yonse, pakaako, fwe bonse tupalile kwiteania eevi tuviinde kuluisia azo maavia.

Kukila pa kwiteania kimubili, ni kiki kili kutukwasia kusipikizia kine masaanzo akitika?

• IIteanie mu maano: Uye wamanine nangue masaanzo ali akitika, kabili uye waiteaniizie vya kukita kine akitika. Te kutona saana bintu bya kimubili. Keekio kili kukukwasia uye wali ni mulangue ni kupooza maano ku bintu byupalile kukita eevi kupususia bukose bobe pamo ni bwa bange, kuliko kukeba kupususia bintu bya kimubili. (Kut 19:16; Malum 36:9) Kabili, keekio kyakaba kukukwasia kuya wali ni mawazo aweeme, kabili te kunti ukabe kwema saana kine wazeezia bintu bya kimubili kisia masaanzo.—Malum 37:19

• IIteanie kimupasi: Uye waswapiile nangue Yehova ali ni buviinde, kabili nangue atonene kukukwasia. (Malum 37:18) Ntanzi masaanzo teanakitike, uye wailangulusia lyonse nangue Yehova wakaba kututungulula ni kutukwasia fwe babombi bakue ata sie kine kunti twapususia sie ‘bukose bwetu nga kintu kyakipokua mu vita.’ —Yer 45:5; Malum 37:23, 24

Kine tusininkiziizie nangue Yehova wakaba kufikilizia bulayo bwakue, tuli kumwalula weene kuya wali “kifyamino mu nsita ya maavia.”—Malum 37:39.

Mone VIIDEO Eba, Witeaniizie Palua Masaanzo? Kisia, bepuzie eevi bakatuilizia:

• Yehova kunti watukwasia siani mu nsita ya masaanzo?

  Kyasuko kyobe

• Ni biki bitupalile kukita eevi kwiteania?

  Kyasuko kyobe

• Kunti twabakwasia siani baalia bakisaanzua?

  Kyasuko kyobe