Kila muntu, kuli ni musita lwali waaluka mu bulanda. Kuya twali ni bulanda te kulangiliile nangue te tumuketekeele Yehova. Nsita imo eevi, Yehova ni weene waaunvuile ni bulanda. (Kut 6:5, 6) Inzi, kunti twakita ki kine lingi ao musita onse tuli twaikala twali ni maavia atutitikile saana?

Pepa kuli Yehova akukwasie. Yehova ali wapoozako saana maano lwali wamona vituli twaiunvua kine twaaluka mu bulanda. Ali wamana kine twaaluka ni nsaansa, kabili kine twaaluka mu bulanda. Ali wainika kyalengia tutontonkanie ni kuinvua eevi. (Malum 7:9b) Kintu kya maana saana, Yehova ali watwemena kabili ali watukwasia tuluisie aali ya kunvua bulanda ao kutioka mutima.—Malum 34:18.

Suunga maano obe. Musita utuli twatioka mutima, nsaansa yeetu ili yazeeza; kabili, bukibuza bwetu pamo ni Yehova ni bwene buli bwaaluka mu buavia. Eezi i nsaambu ili yalengia tusuunge buino mutima weetu i kulanda, muntu weetu onse wa mukati.—Tus Maf 4:23.

MONE VIIDEO ILANDILE BALUPUA NI BANKAZI BETU VIBALI MUKUSEKELELA MUTENDE ATASIE KINE BALI MU AALI YA KUTIOKA MUTIMA. KISIA, ASUKE BIIPUZIO BILI PAAPA PENSINA:

• Nkazi Nikki, waakitile bintu ki byaamukwasiizie aluisie aali ya kutioka saana mutima?

  Kyasuko kyobe

• Juu ya ki nkazi Nikki waamwene nangue apalile kukeba munganga wa kumutunza?—Mat 9:12

  Kyasuko kyobe

• Nkazi Nikki waalangiliile siani nangue waali waswapiile Yehova amukwasie?

  Kyasuko kyobe