Tetwizi kumupupa sie Yehova musita utuli twasaakaana bengi ku kulonghaana kwa kila mulungu, ku kulonghaana kwa muputule, ni ku kulonghaana kwa kalaale. Inzi tuli twamupupa ni mu lisambililo lyetu lya bunke ni mu lupupo lwa mu lupua. Mona bintu paleepale bya kusambilila mu lisambililo lya bunke ni mu lupupo lwa mu lupua:

• Teania kulonghaana kwa kila mulungu. Kunti mwasambilila nghimbo ni kukwasia kila mutu mu lupua ateanie kyasuko.

• Soma lyasi limo lya mu Bibilia. Kisia, chanja foto ya kintu kimo kili mu leelio lyasi ao andika kintu kiwasambililamo.

• Soma lipepo limo lili mu Bibilia, kabili tontonkania vilili kukukwasia kuwaamia mapepo obe.

• Mona viideo ku jw. org, kisia londolola ni bange palua ezio viideo ao andika bintu biwatonamo.

• Iiteanie ntanzi ya kuya mu kusimikila. Eevi kwibelezia, umo mu lupua kunti wailalula nga katuilizia, ni unge waaluka kasimika.

• Kente bibumbua ni kutontonkaniapo ao londolole vibyamisambilizia palwakue Yehova. a