Musita utuli twasoma Bibilia, kunti twapata bunoonsi bwa kimupasi kupitila kukebulula bisinka bya mana. Inzi, kunti twakita siani eevi tunonkelemo saana?

Pooza saana maano ku bintu paleepale bili mu maasi a mu Bibilia. Kwa mufuano, upalile kumumana olia waaleembele lileembo lyuli mukusoma, waabaleembeele baani, kabili musita ki. Iipuzie eevi: Ibanga yali mu aali ki, ni kiki kyaakitikile ntanzi, kabili ni kiki kyakitikile kisia?

Tontonkania masomo auli kusambilila kupitila kukeba byasuko bya beebi biipuzio: ‘Bantu bazimbuilue mu leeli lyasi baaiunvuile siani? Ni mibeele ki ibabanga bali nayo? Juu ya ki mpalile kukoonka mibeele yabo, ao juu ya ki nsipalile kupala mibeele yabo?’

Bombia masomo alia awasambilila. Paange kunti waabombia mu kusimikila ao musita luuli mukukita bintu bimo pamo ni bantu bange. Kine wakita evio, uli kulangilila nangue uli ni mulangue olia ufumine kuli Leeza, paantu Mulandu wakue walanda eevi: “Muntu onse ali ni mulangue, wakaba kukita beebi bintu.”—Malum. 107:43.

• Kya Kukita: Mona mpunda ili yasaangua mu seemu ya kulonghaana kwa mukati ka mulungu ya Bunoonsi Kufuma mu Mulandu Wakue Leeza viili yatukwasia kubombia beelia bituli twasambilila. Lingi mu ezio seemu muli mwasaangua biipuzio beelia bituli twaiipuzia, bintu bitupalile kutontonkaniapo, pamo ni ma foto atupalile kutoosia.