Eba, waakisoma wapoozeleko maano ma kazeeti a Lupungu Lwakue Kamwenenena a onu muaka? Kine ni evio, ale asuka beebi biipuzio bili paapa:

Tupalile kubakitila siani Bakristu babiikilue mafuta?

Tuli twatasia kiketekelo kyabo; inzi, tetwizi kubapoozako maano mu nzila ipitiliile. Tuli twatiina “kutasia-tasia bantu bamanikile saana.” (Yud. 16, NWT, bulondolozi buli pensina) Te tupalile kubeepuzia bintu bitusili na nsaambu ya kumana palua kiswapilo kyabo.​—w20.01, lub. 29.

Ni kiki kipalile kukusininkiziizia nangue Yehova akumwene ni weewe?

Bibilia ilangiliile nangue waakumwene atasie ntaanzi teunavyalue. Kabili ali watuilizia mapepo obe. Amanine bili ku mutima obe, beelia biuli watontonkania, kabili bikitua byobe kunti byamulengia asaansamuke ao afiitue. (1 Mil Nsi. 28:9; Tus Maf. 27:11) Waakukuliile kuli weene.​—w20.02, lub. 12.

Ni mifuano ki ilangiliile musita utupalile kulanda ni musita utupalile kutalala?

Tuli twasaansamukila kulanda palwakue Yehova. Tuli twalanda kine twamona nangue muntu kampanda kunti waponena mu nzila ibiipile. Kine kyapala, bakote bali balanda eevi kufumia masoke. Tuli twatalala eevi te kunti tuloombe batubuile (ao tulondolole) vili mukubombua miilo yeetu mu kyalo muikaaniiziwe. Tetwizi kulanda bintu bisipalile kubuilako bange.​—w20.03, lub. 20-21.

Baluzie balondolwelue mu kitabu kya Yoeli katue ka 2 bapuseene siani ni baalia balondolwelue mu Nfyulo katue ka 9?

Lileembo lya Yoeli 2:20-29 lili lyalanda nangue Leeza wabakumbila kule baluzie, kabili walaya kulubuilamo ao kubueziiziamo beelia byakiinoonua na baluzie. Kisia paapo, Leeza wamiina mupasi wakue. Bebio bintu byaafikiliziiziwe musita Bababiloni lubaabotokeele Baisraeli, ni musita unge kisia paapo. Nfyulo 9:1-11 ili yalondolola palua Bakristu babiikilue mafuta mu nsiku yeetu, bali nga baluzie musita ubali bapunda mpunda ya bupinguzi bwakue Leeza palua keeno kyalo kibiipile. Ezio mpunda ili yalengia baalia bakwatiliile kyalo bakisue saana.​—w20.04, lub. 3-6.

Leenu, likolo wa ku nkungua naani?

Urusi pamo ni bakwasi bakue. Bali mukukumia kakiine bantu bakue Leeza, kukaania miilo ya kusimikila ni kulangilila nangue basuulile Bakasininkizia Bakue Yehova. Likolo wa ku nkungua ali mukuluana ni likolo wa ku nkungulua.​—w20.05, lub. 13.

Eba, te kuli mibeele inge ya “lizabo lya mupasi” kukila pa elia mibeele kenda ilangiliilue mu Bagalatia 5:22, 23?

Kuili. Mupasi utakatiifu uli watukwasia kukuzia mibeele inge iweeme nga evelia nsaambu. (Baef. 5:8, 9)​—w20.06, lub. 17.

Ni buavia ki bumo buli bwasaanguako kine muntu wabiika mpunda palwakue muine mu kitente kya kubuilana mpunda?

Beelia biuli wabiika ku kitente kya kubuilana mpunda kunti byalangilila nangue uli mukwitasia ao kwitantamuna kabili nangue te wikefiizie.​—w20.07, lub. 6-7.

Babombi Bakristu kunti basambilila ki kupitila balobi bali ni bufundi?

Bali babomba pa musita ni mu nkeende mupalile saana kusaanga nsabi. Babeeleziiziwe kubombia biombo bipalile. Kabili bali babomba mu aali ili yaaluluka-aluluka. Ni fwefue kunti twakita enka evio mu miilo yeetu ya kusimikila.​—w20.09, lub. 5.

Kunti twaviinda kukwasia basambi betu ba Bibilia mu nzila ki paleepale eevi bakile kumutona Yehova?

Kunti twabakinkizia baye basoma Bibilia kila busiku ni kutontonkania saana palua beelia bibafuma mukusoma. Kabili kunti twabasambilizia vya kupepa.​—w20.11, lub. 4.

Bulanzi: “Muli Kristu bonse bakaalulua bakose” bulandiile baani?​—1 Bakor. 15:22, NWT.

Mutumua Paulo taali wakebele kulanda nangue kubalua muntu wakatuntumunua. Waali walandila palua Bakristu babiikilue mafuta, baalia “baswesiiziwe mu buumo ni Kristu Yesu.” (1 Bakor. 1:2; 15:18, NWT)​—w20.12, lub. 5-6.

Bakristu babiikilue mafuta bakakita ki kisia ‘kwalulua [. . .] nga kukapa kwa linso lwakalila ntandala ya mpeleezio’?​—1 Bakor. 15:51-53.

Bakabomba pamo ni Kristu mu kusuunga ntundu na kabango ka kyela. (Nfy. 2:26, 27)​—w20.12, lub. 12-13.