Fwe bengi tuli twamona kyakolele kulanguluka bintu bitwaakisambilila. Inzi, kilengele kulanguluka bintu bingi byaasambiliziizie Yesu pantu abanga wabombia sana ma foto ao mifuano. Kunti twatontonkania bintu byaalandile Yesu, ni kekio kunti kyatukwasia kulanguluka bintu byaasambiliziizie. Ni wewe kunti walanguluka bintu bingi biwasambilila kine uli watontonkania palua belia byuli wasoma. Wewe kunti wakita syani evio? Kunti wakita evio kupitila kuchanja ma foto musita luuli mukusambilila.

Bantu baalia bali bachanja ma foto palua bintu bya lenu belia bibasambilila, lingi bali babilanguluka bwino. Kuchanja ma foto tekwizi kubakwasia sie kunvua mana ya milandu, inzi kuli kwabakwasia ni kunvua mawazo akata palua bintu bibasambilila. Tebezi kubombia ma foto akolele sana, inzi bali bachanja sie ma foto aleengele. Kulanda kisinka, bantu bonse, asa bakulu, bali baleenga kulanguluka belia bibaakisambilila kine babombia ma foto.

Busiku buwakaba kusambilila, ukabe kwezia kuchanja ma foto a bintu biwakaba kusambilila. Wakaba kubilanguluka bwino; ni pange kekio kyakaba kukupapia ni we mwine!