Eba, utonene kunonkelamo mu lisambililo lyobe lya bunke? Kunti wabombia aza mawazo ali papa evi te kunti uye wapuulwilue musita uuli mukusambilila:

• Saakula fwasi ipalile ao iweme. Kine kyakitika, saakula pa fwasi paswetele ao papangilue bwino, kabili paye pali ni mwangaza evi uye wamwene bwino. Kunti waikala ntanzi ya meza, ao kunti waikala panze, inzi pa fwasi iweme.

• Ikala pa bunke. Yesu waasaakwile kupepa “ku makia,” kabili waile “kwa bunke.” (Mark. 1:35) Kine teuvinda ata kanini kuya wali kwa bunke, babwile bantu ba mu lupua lobe ao baalia bauli waikala nabo kine ni nsa ki iuli kusambilila, kabili ubaane nangue te bapalile kuya bakulanzia ao kukita bintu bya kukupuuluzia pa ezio nsa.

• Poza sana mano ku lisambililo. Kine uli wabombia telefone ao tablete pa kusambilila, zimia tu ma aplikasio tolia tuli twalengia mpunda iye yaingila iine, ao biika telefone ao tablete mu mode avion evi te kunti uye wapuululua ao kuputukiziiwa. Kine musita uuli mukusambilila, walanguluka nangue kuli kintu kimo kyupalile kukita, kilembe evi te kunti ulabe kukikita kisia kupua lisambililo. Kine wamona nangue teukipozele sana mano ku lisambililo, ienzie kakanini ao iiololenke.