Kunti waasuka beebi biipuzio bimaniine pa Lupungu Lwakue Kamwenenena lwa 2019?

“Te kuli kiluilo kyakakitua pa lobe kyakakuviinda.” Bobu bulayo bwakue Leeza buli na mana ki? (Is. 54:17)

Kunti twaswapila nangue Leeza wakaba kutusuunga kufuma ku maka a bunghinooni ali nga “kupuuka kwa bantu bali bamoniana mupamba.” (Is. 25:4, 5) Baluani betu te bakaba kuviinda kutuleetela maavia loonse.​—w19.01-ZS, lubali lwa 6-7.

Leeza vyabakitiile bantu ba ku Kaanani ni Baisraeli bantombosi byalangilila siani nsaambu yakue?

Leeza waabapinguile baalia baiingiziizie mu bikitua bya bukambue ao kuteesa banakazi ni baana. Waapaalile bantu baali bamukindika ni baalia baali bakitila bange mu nsaambu.​—w19.02-ZS, lubali lwa 22-23.

Tupalile kukita siani kine twasaanguapo musita muntu asili mubombi wakue Yehova lwali mukupepa?

Kunti twasiala twataleele ni kulangilila mukinzi inzi te kunti twitabile “amen” ao kukwatana minue ni bange bali paapo. Kunti twapepela ku mutima lipepo lyetu.​—w19.03-ZS, lubali lwa 31.

Kilubo kya kumukitila muana bintu bya bupungue kifinine siani?

Kumukitila muana bintu bya bupungue ni lizaambi ku muana muine, ku libumba, ku bakulu ba buteeko ni kuli Leeza. Kine muzilo wa buteeko uloombele kutwala mpunda palua kilubo kya kumukitila muana bupungue, bakote bali bakindika.​—w19.05-ZS, lubali lwa 9-10.

Kunti wapilibula siani ao kuwaamia mibeele yobe ibiipile ititikiile malanga obe?

Nzila ikata ni eezi: Londolola ni Yehova mu lipepo. Tontonkania waali ni mupaango wa kwitoosia we muine. Saakula buino babibuza bobe.​—w19.06-ZS, lubali lwa 11.

Kunti twakita ki leenu eevi twiteanie palua lyemo?

Tupalile kukosia bukibuza bwetu pamo ni Yehova. Mana nangue atutonene kabili takaba kutusia ata kaniini. Soma Bibilia kila busiku ni kupepa kwa mute. Uye waali ni kisininkizio nangue mpaalo ya Bukolo yakaba kwiza kakiine. Bikilila ku mutima maleembo autoneesie ni nghiimbo iutoneesie ya kutasia.​—w19.07-ZS, lubali lwa 2-4.

Kunti twakita siani eevi bantu ba mu lupua lwetu bakabe kupusuka?

Ni kintu kya mana twibiike pa fuasi yabo, lwendo lwetu lupalile kuleeta busininkizio buweeme, tuye twaali ni mutima wa kupembelela ni mukinzi kabili twakengeele.​—w19.08-ZS, lubali lwa 15-17.

Tuli twatuulua siani bifunda nga vyaalaile Yesu mu Mateo 11:28?

Tuli ni bakangalila ba Kikristu bali ni ntono, babibuza bakilile kuwaama ni miilo ikilile kuwaama.​—w19.09-ZS, lubali lwa 23.

Leeza kunti watupeela siani nkulu ni buviinde bwa kukita? (Baf. 2:13)

Kine twasoma ni kutontonkania Mulandu Wakue Leeza, Leeza kunti watupeela maka, nkulu ya kukita kutona kwakue ni buviinde bwa kukita. Mupasi wakue kunti waongezia buviinde bwetu.​—w19.10-ZS, lubali lwa 21.

Ntaanzi ya kukwata bupinguzi bwa mana, ni nzila ki ya mulangue itupalile kukoonka?

Nzila isaano ni eezi: Kebulula wapoozeleko ni maano. Pepa eevi upate mulangue. Tontonkania juu ya ki wapingula evio. Mipaango yobe iye yamanikile buino. Mona bintu mu nzila ipalile ao ya kisinka.​—w19.11, lubali lwa 27-29.

Malanga a kusifua kwa bukose atendekele na milandu yaaninue Eva kuli Sataana?

Paange ata. Sataana wamuanine nangue takafua, taamuanine nangue wakafuakosie mubili. Te kuli malanga a bufi a kidiini aapusukile ku Kibunda kikata. Buzumino bwa kusifua kwa bukose, paange bwatendekele ntaanzi Leeza tanasalanghanie bantu baali bakuula lupungu lwa Babeli.​— w19.12, lubali lwa 15.