TWALILILA KUYA WAKENTELE!
Juu ya ki Tuye Twali Ni Kiswapilo mu 2023?—Bibilia Ili Yalandapo Siani?
Musita muaka wa 2023 luwatendeka, fwe bonse tuswapiile bintu biweeme palwetu ni palua bantu ba mu lupua lwetu. Juu ya ki tuye twali ni kiswapilo?
Bibilia ili yatupeela kiswapilo
Bibilia ili yatubuila mpunda iweeme palua maavia. Ili yalanda nangue maavia atuli mukusaakaana nao loonu, a musita uniini, kabili akaba kupuisiiwasie leenu. Kulanda kisinka, Bibilia ‘yaalembeelue fwefue pakuti iye yatufunda ao kutusambilizia eevi tuye twateekameene ni kuya twali ni kiswapilo.’—Baroma 15:4, Le Nouveau Testament en langue Kitaabua.
Eevi umane bingi palua bulayo buli mu Bibilia, soma lyasi lilandile, “Tumaini Bora la Wakati Ujao.”
Kiswapilo kili kuviinda kukukwasia loonu
Kunti twapalania kiswapilo kya Bibilia na nanga palua bukose bwetu. (Baebrania 6:19) Kekio kiswapilo kunti kyatukwasia tusiale twaimene bila kutenta mu nsita ya maavia. Kunti kyatukwasia kusipikizia maavia atuli mukupata loonu, kusiala twali mu aali iweeme, kabili kunti kyatukwasia kupata nsaansa ya loonse. Kwa mufuano:
Mona kiswapilo kya Bibilia vikyaamukwasiizie mwalalume umo waali ni mibeele ibiipile saana. Mona viideo ilandile, Maisha Yangu Yalinichokesha.
Mona kiswapilo kya Bibilia vikili kuviinda kutukwasia kine twafuilua na muntu ututonene. Mona viideo ilandile, Kuteekiiwa Mutima kwa Baalia Bali Mukuloosia.
Kosia kiswapilo kyobe
Bantu bengi bali basaangua baswapiile bintu biweeme bikitike, inzi te beezi kuya basininkiziizie nangue bebio bintu byakaba kufikiliziiwa. Bulayo buli mu Bibilia bwene bwibeleele. Juu ya ki twalanda evio? Paantu, bulayo buli mu Bibilia bufumine kuli Yehova Leeza muine a, olia ‘asiizi kubeepa.’ (Tito 1:2, Le Nouveau Testament en langue Kitaabua) Yehova sie i ali ni buviinde bwa kufikilizia kila kintu kyalaile. Kunti wakita kila kintu kyali kutona kukita.—Malumbo 135:5, 6.
Twakukupa kwa nsaansa eevi unoonkele mu kiswapilo kya kisinka kya Bibilia. Weewe, kunti wakosia kiswapilo kyobe palua bebio bintu bilaile Bibilia kupitila kutoosia Maleembo wapoozeleko maano. (Miilo ya Batumua 17:11) Kita evio kupitila kwitabila kusambilila Bibilia pamo ni fwefue bila kulipila. Kansi, tendeka muaka wa 2023 wali ni kiswapilo!
a Yehova i liina lya bunke lyakue Leeza.—Malumbo 83:18.
Paange uli Kutona ni Eezi Mpunda
MASAMBILIZIO A BIBILIA A MUSINZI
Sababu ya ki Leeza Wabumbile Kyalo?
Kyalo kyetu kizuzimo bintu bifuaniine saana. Wakibiikile pa fuasi pafuaniine ni kwikeele kooba, kitingikilue buino saana, kabili ni lwendo lwakue lwa kuzyunguluka lupalile. Sababu yaki Leeza wapoozeleko saana maano pa kubumba kyalo?
