Nga vituli mukumona musita wa vita ili mu Ukrainia, bakulu bengi ba kanisa ka Kikristu, bali mukuya bakinkizia bantu bakwasieko vita. Mona baabo bakulu ba kanisa vibali mukuya bakwasiako vita, bange ku loolu lubali ni bange ku lubali lunge:

•   “Basoda betu bonse baalia bali mukuya baluisia eevi beene bavyaliilue mu Ukrainia te kunti bakitue ovio na baluani, twabakindika saana ni kubatasia . . . Mitima yeetu, mapepo a kisinka, ni kukwasia, bili pamo ni mwemue lyonse.”—I vyaalandile Épiphane wa Kuanza, mukulu wa kanisa wa ku Kiev, mpunda yaaleetelue na The Jerusalem Post, nsiku 16 Muezi wa 03, 2022.

•   “Nsiku ya Saba, mukulu wa Kanisa ka Ortodoksi mu kyalo kya Urusi, waakikita kulonghaana kwibeleele juu ya basoda ba mu Urusi. Wakibakoselezia batwalilile kuluisia kyalo kyabo nga evelia bena Urusi sie vibali kuviinda kukita musita Moscou lwatwaliliile ni kampanye yakue ya basoda mu Ukrainia.”—Reuters, nsiku 03 Muezi wa 04, 2022.

 Eba, Bakristu bapalile kukwasiako vita? Bibilia ili yalandapo siani?

 Bibilia ilangiliile nangue, bantu bonse baalia bamukoonkele Yesu Kristu kakiine, te bapalile kwiingizia mu vita.

•   Ewe, buezia kipanga kyobe mu kitubo, paantu onse ali waipaana na kipanga, wakeepaiwa na kipanga.—Mateo 26:52.

   Muntu olia waitabizia vita ao waluana vita, eba, wanakila kakiine milandu yakue Yesu?

•   Namipeela malaizio a leenu, tonane nga evelia vimitonene i vya kunti mutonane ni mwemue. Paantu kine mwatonana, bantu bonse bali kumana nangue muli basambi bane.​—Yoane 13:34, 35.

   Muntu olia waiingizia mu vita, eba, walangilila ntono elia yaalandile Yesu nangue i ya kwinikilako basambi ao banafunzi bakue?

 Eevi umane bingi, soma lyasi lilandile “Je, Ukristo Unaunga Mkono Vita?”

 Eba, kilisie buino Bakristu baye bakaana kwiingizia mu vita enu nsiku? Een. Bibilia yaalandile ntaanzi nangue, mu onu musita utulimo, uli wakuutua nangue nsiku ya mpeleezio, mwakaba bantu ba kufuma mu ntundu yonse basikasambilila kuluana vita ata kaniini, nga vyaasambiliziizie Yesu.​—Isaya 2:2, 4, bulondolozi bwa pensina.

•   Eevi umane bingi, soma leeli lyasi lili mu Lupungu Lwakue Kamwenenena lilandile “Mungu Anaona Vita Namna Gani?”

 Leenusie, Yehova, a Leeza wa mutende, wakaba kubombia bukolo bwakue bwa ku muulu eevi kupususia bantu baalia bali mukwema na kutitikilua ni kukitilua ovio.​—Bafilipi 4:9; Malumbo 72:14.

•   Eevi umane Yehova vyakaba kukita evio, mona viideo ilandile Bukolo Bwakue Leeza Ni Kiki?