TWALILILA KUYA WAKENTELE!
Maavia a Kuvulunghana mu Maano a Bamisepuka Aongezeka—Bibilia ili Yalandapo Siani?
Nsiku ya Kuanza, pa nsiku 13, Muezi wa 02, 2023, Kitente Kili Kyaemena ni Kukingilila Maluele a Kuambukizia (CDC) kya mu États-Unis kyaafumiizie mpunda palua aali ya kuvulunghana mu maano kwa bamisepuka ba mu États-Unis. Ezio mpunda yakilangilila nangue, pursa 40 ya banafunzi bali mukusoma ku masomo akata bakisaakaana ni aali ya kwiunvua bulanda ni kupusa kiswapilo musita waleepele.
Dr. Kathleen Ethier, direktere ao ntunguluzi wa CDC olia emaniine Bamisepuka ni Aali ya Bukose ya ku Masomo (DASH ) wakilanda eevi: “mu eezi miaka 10 yakipita twaakiimwena aali ya kuvulunghana mu maano kwa bamisepuka yali mukukila kubiipa, inzi aali ya kuvulunghana mu maano kwa bakaziana ili mukukila kubiipa kuliko ntanzi, kabili kuli bakaziana bengi bali mukutontonkania kwikaka ao bali mukwezia kakiine kukita evio.”
Ezio mpunda yakilanda eevi:
Pa bakaziana 10, bakaziana bakilile pa umo (pursa 14) bali mukupatikiziiwa kukita bukambue musita ubasitonene kukita evio. Dr. Ethier wakilanda nangue, “keekio kyaleeta muenzo kakiine. Pakati ka bakaziana 10 baumanine umo pakati kabo ao bakilile pa umo baaleelue kwa maka.”
Mukaziana 1 pa 3 (pursa 30) ali mukutontonkania saana kwikaka.
Bakaziana 3 pa 5 (pursa 57) bali mukwiunvua bulanda ni kupusa kiswapilo musita waleepele.
Eezi mpendua ileetele bulanda saana. Musita muntu lwakili musepuka apalile kuya wali ni nsaansa kabili wasekeleele. Ni kiki kili kuviinda kukwasia bamisepuka baluisie eezi aali ya kwema ibali mukusaakaana nayo loonu? Bibilia ili yalandapo siani?
Bibilia ili yabapeela bamisepuka bintu bya kubakwasia bili byabomba
Bibilia ilondoluele mu kisinka nsita yemiizie itwikeelemo enu nsiku. Ili yakuutua nsita yaviizie saana kuluisia. (2 Timoteo 3:1-5) Anzia evio, Bibilia ili yafumia masoke asiizi kupitua na musita ali akwasia mamilioni a bamisepuka mu kyalo kyonse baluisie mu nzila ipalile maavia abali mukusaakaana nao. Mona aza maasi aswapiile Bibilia.
Bintu bya kukwasia bamisepuka baluisie aali ya kutona kwikaka
Bintu bya kubakwasia bamisepuka bali mukuluisia aali ya kutioka mutima, kwiunvua bulanda ao mawazo abiipile
Huzuni Inaweza Kugeuka Kuwa Furaha (picha zinachorwa ku ubao)
Bintu bya kukwasia bamisepuka bali mukusokoziiwa
Umushinde Mwenye Kukuchokoza Bila Kumupiga (picha zinachorwa ku ubao)
Bintu bya kukwasia bamisepuka bali mukupatikiziiwa kukita bintu bya bukambue
Napaswa Kujua Nini Kuhusu Kutendewa Vibaya Kingono?—Sehemu ya 1: Tahadhari
Napaswa Kujua Nini Kuhusu Kutendewa Vibaya Kingono?—Sehemu ya 2: Kupata Msaada
Bibilia ili yabapeela baviazi masoke ali abomba
Kabili, Bibilia ili yabapeela baviazi masoke ali abomba eevi baviinde kubakwasia bamisepuka babo kuluisia maavia abali mukusaakaana nao mu buikazi. Mona aza maasi aswapiile Bibilia.
Vijana Wanashuka Moyo—Sababu Gani? Ni Nini Inaweza Kuwasaidia?
Watoto na Mitandao ya Kijamii—Sehemu ya 1: Je, Mtoto Wangu Atumie Mitandao ya Kijamii?
Watoto na Telefone—Sehemu ya 1: Mutoto Yangu Anastahili Kuwa na Telefone?
Watoto na Telefone—Sehemu ya 2: Fundisha Watoto Namna Wanaweza Kutumia Telefone kwa Hekima
Namna ya Kuzungumuza na Kijana Wako Kuhusu Tabia ya Kutuma Mambo ya Ngono Kupitia Simu
Paange uli Kutona ni Eezi Mpunda
MASAMBILIZIO A BIBILIA A MUSINZI
Sababu ya ki Leeza Alekeleele Bintu Bibiipile ni Maavia?
Bantu beengi bali baipuzia sababu yaki ku kyalo kwizuzi eevi bubiifi ni maavia. Bibilia ili yaleeta kyasuko kyaunvuikile buino kabili kili kya koselezia.
FWEFUE TULI BAANI?
Loomba Usambilile Bibilia
Saanga mafuunde kufuma mu Bibilia pa fuasi ni mu musita nga via uli kutona.
