TWALILILA KUYA WAKENTELE!
Bantu ba Politike Basoka Balanda Nangue Armagedoni Kwasiala Ifike—Bibilia Ili Yalandapo Siani?
Nsiku ya Kuanza lukele-keele, pa nsiku 10 Muezi wa 10, 2022, Urusi yakilasa mabunduki mu mizi ikata ya mu Ukrainia eevi kubwezia kilanduzi juu ya bomba imo yaapuusiiziwe nsiku ibili ntaanzi ni kwinoona kilalo kikata kiunganisiizie Krimea ni Urusi. Bantu bamo ba politike lubakilanda nangue Armagedoni kunti yaizasie leenu, pakipitasie musita uniini ni bebio bintu byakitika.
“Loonu twakila kupalama ku Armagedoni kupita musita wakue [Prezida wa États-Unis John F.] Kennedy ni kinvulunghania kya mabunduki kya mu kyalo kya Kuba. . . . Natontonkania nangue teikitika kubombia kiluilo kya nyukilia ni bila kuleeta Armagedoni.”—Joe Biden Prezida wa États-Unis, nsiku 06 Muezi wa 10, 2022.
“Naitabizia nangue leenusie twakaba kumona Armagedoni. Kyalo kyonse kyaaluka mu buavia.”—I vyakilanda Prezida wa Ukrainia Volodymyr Zelensky, lubakimwipuzia palua bintu byakaba kukitika kine biluilo bya nyukilia byabombiiwa, BBC News, nsiku 08 Muezi wa 10, 2022.
Eba, kubombiiwa kwa biluilo bya nyukilia kwakaba kuleeta Armagedoni? Bibilia ili yalandapo siani?
Eba, biluilo bya nyukilia byakaba kuleeta Armagedoni?
Bila. Mulandu “Armagedoni” ulimosie mara imo mu Bibilia, mu Nfyulo 16:16. Armagedoni te vita ya ntundu yaluana ni ntundu, inzi, ni vita yakue Leeza waluana ni makolo a mu kyalo kyonse. (Nfyulo 16:14) Leeza wakaba kubombia vita ya Armagedoni eevi kupuisia ma buteeko a bantu.—Danieli 2:44.
Eevi umane bingi palua vita ya Armagedoni kine yakaba kukita ki pa kyalo, soma lyasi lilandile Armagedoni Ni Nini?
Eba, kyalo ni byonse bilimo byakaba kwinoonua na vita ya nyukilia?
Bila. Atasie kine bantunguluzi ba mu kyalo kunti babombia biluilo bya nyukilia musita uli mukuiza, Leeza takaba kulekelela kyalo kikabe kwinoonua. Bibilia ilandile eevi:
Kyalo kyakaba kutwalilila kuya kyalipo loonse.—Kasimika 1:4.
Bali ni nsaambu bakapyana kyalo, kabili bakeekalapo loonse.—Malumbo 37:29.
Inzi, bukabika buli mu Bibilia pamo ni bintu bili mukukitika, bili mukulangilila nangue leenusie kwakaba kwaluka bupilibuko bukata pa kyalo. (Mateo 24:3-7; 2 Timoteo 3:1-5) Mona beelia bili byalanda Bibilia palua musita uli waiza kupitila kusambilila Bibilia pamo ni fwefue bila kulipila.
Paange uli Kutona ni Eezi Mpunda
MASAMBILIZIO A BIBILIA A MUSINZI
Sababu ya ki Leeza Wabumbile Kyalo?
Kyalo kyetu kizuzimo bintu bifuaniine saana. Wakibiikile pa fuasi pafuaniine ni kwikeele kooba, kitingikilue buino saana, kabili ni lwendo lwakue lwa kuzyunguluka lupalile. Sababu yaki Leeza wapoozeleko saana maano pa kubumba kyalo?
Ukrainia Yaingililua na Urusi—Eba, Bukabika bwa Bibilia Buli Mukufikiliziiwa?
Kine i evio, eba Bibilia ilondoluele bebio bintu byonse vibyakaba kupuisiiwa?
FWEFUE TULI BAANI?
Loomba Usambilile Bibilia
Saanga mafuunde kufuma mu Bibilia pa fuasi ni mu musita nga via uli kutona.
