Bantu bengi bamwenesie nangue teiviinda kukitika ata kaniini bantu ba rangi yonse ya mpapa kukitilua ni nsaambu.

•   “Kila fuasi ya kyalo, bukapatulula buli nga evelia sumu ili mukwinoona kuteania, bikundi bya bantu, ni buikazi bwa kila busiku bwa bantu. Bukapatulula butwaliliile kutungulula bantu bakitilane bila nsaambu.”​—António Guterres, Kaleemba Mukulu wa UN.

 Eba, kunti kyakitika kakiine bantu ba rangi yonse ya mpapa kukitilua ni nsaambu? Bibilia ili yalandapo siani?

 Bibilia ili yatusambilizia Leeza vyali wabamona bantu ba rangi ya mpapa ipusene-puseene.

•   Kufuma ku muntu umo, Leeza waakitile kila ntundu ya bantu eevi ikale pa kyalo kyonse.​—Miilo ya Batumua 17:26.

•   Leeza tali na kitoolela ku muntu. Baalia bali bamupepa ni bali bakita biweeme, bali baitabilua na Leeza bila kukenta ku ntundu yabo.​—Miilo ya Batumua 10:34, 35.

 Bibilia ili yalanda nangue, bantu bonse baafuminesie mu lupua lumo, kabili nangue Leeza ali waitabila bantu ba rangi yonse ya mpapa.

 Bantu ba rangi yonse ya mpapa, bakaba kukitilua saana ni nsaambu mu Bukolo Bwakue Leeza, buteeko buli ku muulu. Bobo buteeko, bwakaba kubasambilizia bantu vya kubakitila bange bintu mu buwaame. Bantu bakaba kusambilila vya kulekela mibeele ya bukapatulula ibali nayo.

•   Bekazi ba mu kyalo, bakaba kusambilila palua nsaambu.​—Isaya 26:9.

•   Nsaambu ya kisinka, yakaba kuleeta mutende. Ni mazabo a nsaambu ya kisinka, akaba kuteekamana kwa loonse ni mutende.​—Isaya 32:17.

 Enu nsiku, ma milioni a bantu bali mukusambilila mu Bibilia vya kubakitila bantu bange ni mukinzi, ni kubamona kuya bali ba mana.

•   Eevi umane bingi, soma eezi Amuka ilandile “Kuko Dawa ya Kumaliza Ubaguzi?”

•   Eevi umane baviazi vibali kukita eevi balondoluele palua bobu buavia lubali ku nsesi, soma lyasi lilandile “Unaweza Kuzungumzaje na Watoto Wako Kuhusu Ubaguzi?”